ජන්ද කඩන්න ජනාධිපතිවරණයට එන අයට වෙන දේ මෙන්න

0

ඉදිරි ජනාධිපතිවරණයේදී අනෙක් අපේක්ෂකයන්ගේ ජන්ද කැඩීම සඳහා ජනාධිපතිවරණයට ඉදිරිපත් වන පුද්ගලයන් හට එරෙහිව නීතිමය තදින් ක්‍රියාත්මක කරන බව මැතිවරණ කොමිසම දේශපාලන පක්ෂවලට දැනුම් දී තිබේ.

ඇතැම් අපේක්ෂකයන් නාමයෝජනා බාරදී ව්‍යාජව කටයුතු කරමින් වෙනත් දේශපාලනඥයකුට සහාය දක්වන හෝ ඔහු ප්‍රවර්ධනය වන අයුරින් කටයුතු කළහොත් එම අපේක්ෂකයා නම් කර ඒ බව ඡන්ද දායකයින්ට ප්‍රකාශ කරන බව කොමිසමේ සභාපති මහින්ද දේශප්‍රිය පක්ෂ නායකයින්ට දන්වා ඇත.

එවැනි ව්‍යාජ ලෙස කටයුතු කරන අපේක්ෂකයින්ට ජනාධිපති අපේක්ෂකයන්ට හිමි වරප්‍රසාද ද අහිමි වන බවයි සභාපතිවරයා පවසන්නේ.

ඇතැම් දේශපාලන පක්ෂ තමන්ට දේශපාලන වාසි ලබාගැනීමේ සහ විරුද්ධ දේශපාලනඥයින්ට මඩ ගැසීමේ අරමුණින් හිතාමතාම අපේක්ෂකයින් ඉදිරිපත් කරවන බවට චෝදනා කරන මැතිවරණ කොමිසමේ සභාපති මහින්ද දේශප්‍රිය ඔවුන්ට එරෙහිව පියවර ගන්නා බව පසුගියදා පක්ෂ නායකයන් සමඟ පැවති රැස්වීමක දී වැඩි දුරටත් සඳහන් කළේය.

ඇතැම් අපේක්ෂකයින් තමන්ට ලැබෙන ගුවන් කාලය වෙනත් ප්‍රධාන අපේක්ෂකයකු වෙනුවෙන් භාවිත කරන අතර, ප්‍රචාරක රැස්වීම් සඳහා ක්‍රීඩාපිටි වෙන්කරවා ගැනීම ඇතුළු අනෙකුත් සියලු පහසුකම් ලබාගෙන වෙනත් අපෙක්ෂකයකු වෙනුවෙන් කටයුතු කරන බවටයි මැතිවරණ කොමිසම් සභාපතිවරයා චෝදනා කරන්නේ.

Facebook Comments

wedding people