පාස්කු ඉරිදා ප්රහාර මාලාව පිළිබඳව සොයා බැලීමට පත් කරන ලද පාර්ලිමේන්තු කාරක සභාව හමුවේ සාක්ෂි ලබා දීමට ජනාධිපතිවරයා කැමැත්ත පළ කර තිබේ.
ජනාධිපති මෛත්රීපාල සිරිසේන විසින් 3 අඟහරුවාදා පැවති කැබිනට් හමුවේදී කරක සභාව හමුවේ සාක්ෂි දීමට තම කැමැත්ත පළ කර ඇති බවටයි වාර්තා වන්නේ.
ඒ අනුව එම කමිටුව ඉදිරියේදී ජනාධිපතිවරයා හමුවීමට නියමිත බවයි කාරක සභාවේ සභාපති නියෝජ්ය කථානායක ආනන්ද කුමාරසිරි පවසන්නේ.
තමන් මෙම කමිටුවේ සාක්ෂි ලබා නොදෙන බව සහ රාජකාරියේ නිරක කිසිඳු නිලධාරියෙකු කාරක සභාව හමුවට නොයන බවද කියා තිබුනි.
පාර්ලිමේන්තු කාරක සභාව හමුවේ සාක්ෂි ලබා දීම හේතුවෙන් ජාතික බුද්ධි ප්රධානීව සිටි සිසිර මෙන්ඩිස් ද එම තනතුරෙන් ඉවත් කළ බවද ජනාධිපතිවරයා මීට පෙර මාධ්ය ප්රධානින් වෙත කියා සිටියේය.
පාස්කු ඉරිදා ප්රහාර මාලාව පිළිබඳව සොයා බැලීමට පත් කරන ලද පාර්ලිමේන්තු කාරක සභාවේ කාල සීමාව මේ මාස 30 දක්වා දිර්ඝ කර ඇත.