සේවයෙන් ඉවත් කළ මාධ්‍යවේදීන් සේවා අයිතිය වෙනුවෙන් සටනේ

0
781
Ivory Agency Sri Lanka
HailHost
wedding people

ඉරුදින පුවත්පතේ ප්‍රධාන කතෘ සේවයෙන් පහ කිරීම සහ ඊට විරුද්ධ වු කර්තෘ මණ්ඩල සාමාජිකයින් හට ආයතනය තහනම් කලාපයක් කිරීමට එරෙහිව ඔවුන් ගල්කිස්ස පොලීසියට, කම්කරු දෙපාර්තමේන්තුවට සහ ශ්‍රී ලංකා මානව හිමිකම් කොමිෂන් සභාවට පැමිණිලි කර ඇත.

ලීඩර් හෝල්ඩින්ස් පෞද්ගලික සමාගමේ විධායක අධ්‍යක්ෂ නලින් ජයතිලක විසින් නිකුත් පෙබරවාරි 27 දින නිකුත් කර ඇති ලිපියකට අනුව කිසිදු පුර්ව දැනුම් දීමකින් හෝ විමර්ශනයකින් තොරව පෙබරවාරි 28 දින සිට ප්‍රධාන කර්තෘ විමලනාත් වීරරත්න ගේ සේවය අවසන් කරන ලද බව පැමිණිලිවල සඳහන් වේ.

ආයතනය තහනම් කොට ඇත්තේ කසුන් පුස්සෙවෙල, ශාලික විමලසේන, දිල්හාන් විමල්ක, ජනක විජේගුණතිලක, රවීන්ද්‍ර පුෂ්පකුමාර සහ බණ්ඩාර වැවගෙදර කර්තෘ මණ්ඩල සාමාජිකයන් හය දෙනාටයි.

කතුවරයාගේ සහ සේවකයන්ගේ සේවය අවසන් කර ඇත්තේ ජනවාරි මාසයේ වැටුප පවා සම්පුර්ණය නොගවා වන අතර සේවය කළ කාලයට අදාළ සේවක අර්ථසාධක අරමුදල් හෝ සේවක භාරකාර අරමුදල් කොටස් ගෙවා නැති තත්වයක් තුළ බවයි ‘ඉරුදින’ සේවක එකමුතුව පවසන්නේ.

කතෘ ඉවත් කිරිම සම්බන්ධව සහ වැටුප් නොගෙවීම සම්බන්ධයෙන් පාලනාධිකාරියෙන් සාකච්ජාවක් ලබා දෙන තුරු රාජකාරි නොකරන බව ලිඛිත ව දන්වමින් කර්තෘ මණ්ඩලය මගින් විසින් මාර්තු 1 දා වෘත්තීය ක්‍රියාමාර්ගයක් ආරම්භ කිරීම නිසා කර්තෘ මණ්ඩල සාමාජිකයන්ට ආයතනයට ඇතුල් වීම අධ්‍යක්ෂ මණ්ඩලය මගින් තහනම් කර ඇති බව ආරක්ෂක අංශය විසින් දැනුම් දී තිබේ.

විමලනාත් වීරරත්නගේ ඉවත් කිරීමෙන් පුරප්පාඩු වු ඉරුදින කතෘ ධුරයට පත් කර ඇත්තේ පහළොස් වසරකට ආසන්න කාලයක් ‘ලංකාදීප’ යේ සේවය කළ සුජිත් මංගල ද සිල්වා මාධ්‍යවේදියායි.

ඝාතනයට ලක්වූ මාධ්‍යවේදී ලසන්ත වික්‍රමතුංග පුරෝගාමී වී පිහිටවූ ‘සන්ඩේ ලීඩර්’ පුවත්පතේ සහෝදර සිංහල ප්‍රකාශනය වන ‘ඉරුදින’ ප්‍රකාශයට පත් කෙරේ.

Facebook Comments

HailHost