මාසයක කාලයක් අඛණ්ඩ අරගලයක යෙදී හමුදාව පැහැර ගත් ඉඩම් ආපසු දිනා ජයගත් කේපාපිලව් ඉඩම් අහිමි ජනතාවට දුව පැන ඇවිදිමින් නායකත්වය දුන් නායිකාව ආබාධිත යැයි BBC සිංහල සංදේශය විසින් හඳුන්වා දී තිබේ.
සටනින් ජයග්‍රහණය ලබා ඉඩම් වෙත යනවිට තවත් කාන්තාවන් පිරිසක් එම නායිකාව කර තබාගෙන යන ඡායාරූපයක් “කෙපාපිලව් ඉඩම් යළි පවරයි” යන මාතෘකාව යටතේ 2017 මාර්තු 1 වෙනිදා පල කර ඇත්තේ පහත දැක්වෙන විස්තරය සමගය.
“ආබාධිත ඉඩම් අයිතිකරුවන් කීප දෙනෙකු කෙපාපිලව් වැසියන් විසින් ඔවුන්ගේ ඉඩම් කරා ඔසවාගෙන යන අයුරු ද දක්නට ලැබුණි.”
මාධ්‍යවේදීන් ඇතුලු කීප දෙනෙකුම මෙම ප්‍රකාශය ගැන කණගාටුව පල කර ෆේස්බුක් සටහන් යොදා තිබුනි.
ශාරීරික දුබලතා වලට අපහාස වන ආකාරයෙන් එවන කොමෙන්ටු හෝ ෆේස්බුක් පිටුවේ පල නොකරන බව BBC සංදේශය කියා තිබේ.
ලන්ඩන් නුවර සිටින සංගීත් කලුබෝවිල BBC සංදේශය මෙහෙයවන අතර ශ්‍රී ලංකාවේ වාර්තාකරු විදේශ මාධ්‍යවේදීන් ගේ සංගමයේ කමිටු සාමාජික අසාම් අමීන්ය.
Facebook Comments
