හත්තනේ කොටසක් සංරක්ෂයට පියවර

0

මහනුවර හන්තාන පාරිසරික ආරක්ෂක කලාපයේ අඩි 3,000ට වඩා ඉහළ ප්‍රදේශවල මිනිස් ක්‍රියාකාරකම් වැලැක්වීමට හා එම ප්‍රදේශය සංරක්ෂණය සදහා වන සංරක්ෂණ දෙපාර්තමේන්තුවට ලබාදී දීමට ඇති හැකියාව පිළිබද සොයාබලන බව මධ්‍යම පරිසර අධිකාරියේ පවසයි.

හන්තාන පාරිසරික ආරක්ෂක ප්‍රදේශයේ සීමා මායිම් හා එම සීමාවන් තුල සිදුකළ හැකි ක්‍රියාකාරකම් දැක්වෙන නාම පුවරු ස්ථාපිත කිරිමේ අවස්ථාවට සහභාගි වෙමින් මධ්‍යම පරිසර අධිකාරියේ අධ්‍යක්ෂ ජනරාල් කේ.එච්. මුතුකුඩආරච්චිමෙම අදහස් පල කළේය.

වර්ෂ 2010 දී හන්තාන ආරක්ෂක පාරිසරික කලාපයක් වශයෙන් නම් කළත් එහි නීතිමය තත්ත්වය පිළිබද නොදැන පාරිසරික පනත උල්ලංඝනය කරමින් විවිධ ඉදිකිරිම් රැසක් කර තිබෙන බවත් එවැනි තත්වයන් ඉදිරියේදී වලක්වා ගැනීමේ අරමුණින් මෙම දැන්විම් පුවරු සවිකරන බව ඔහු පැවැසු අතර පාරිසරික පනත උල්ලංඝනය කරමින් කටයුතු කරන අයට එරෙහිව නීතිය ක්‍රියාත්මක කරන බව ද පැවසීය.

හන්තාන පාරිසරික ආරක්ෂණ කලාපයට හෙක්ටයාර් 3,830 අයත්වන අතර මුහුදු මට්ටමේ සිටි ඇති උස අනුව අඩි 3,000ට ඉහල කළාපය, අඩි 2,500ත් 3,000ත් අතර කලාපය හා අඩි 2,500ට අඩු කලාපය වශයෙන් කලාප තුනකට වෙන් කර ඇති අතර එක් එක් කලාපයන්හී කළ හැකි මිනිස් ක්‍රියාකාරකම් පිළීබදව පනතේ සදහන්ව තිබේ.

මෙම කරුණු සම්බන්ධයෙන් අත් පත්‍රිකා හා සිතියම් මගින් ඉදිරියේදී ප්‍රදේශයේ ජනතාව දැනුවත් කිරීමට කටයුතු කිරීමට බලාපොරොත්තු වන බවද අධ්‍යක්ෂ ජනරාල්වරයා වැඩිදුරටත් පැවැසීය.

Facebook Comments

wedding people