හමුදාවට නැගෙන බරපතල අපරාධ චෝදනා විභාග කළ රහස් පරීක්ෂකයා රටින් යයි

0
540
Ivory Agency Sri Lanka
HailHost
wedding people

රාජපක්ෂ පාලනයේදී මාධ්‍යවේදීන්ට සිදුවු අපරාධ සම්බන්ධව යුද හමුදා නිලධාරීන්ටත්, පුද්ගලයන් අතුරුදහන් කරවීම පිළිබඳව නාවික හමුදාවේ ඉහල නිලධාරීන්ටත් චෝදනා එල්ල වන පරීක්ෂණ මෙහෙයවු ඉහල පෙලේ රහස් පොලිස් නිලධාරියකු හදිසියේම රටින් පිටව ගොස් තිබේ.

අපරාධ පරීක්ෂණ දෙපාර්තමේන්තුවේ පොලිස් පරීක්ෂක නිශාන්ත ද සිල්වා 24 ඉරිදා ස්විස් ගුවන් සේවයට අයත් ඩබ්ලිව්.කේ.65 දරණ ගුවන් යානයෙන් සිය පවුලේ සාමාජිකයින් සමග ස්විට්සර්ලන්තය බලා පිටත්ව ගොස් ඇතැයි ගුවන් තොටුපල වාර්තාකරුවෝ පවසති.

ඔහු රටින් පිටව ගොස් ඇත්තේ නිසි පරිදි නිවාඩු ලබා ගැනීමකින් හෝ විදෙස් ගත වන බව දැන්වීමෙන් තොරව බවට පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී රුවන් ගුණසේකර ප්‍රකාශ කළේය.

ජනපති ගෝඨාභය රාජපක්ෂ ආරක්ෂක ලේකම් ධුරය දරන සමයේදී සිදුවු මාධ්‍යවේදී ලසන්ත වික්‍රමතුංග ඝාතනය, මාධ්‍යවේදී කීත් නොයාර් පැහැරගෙන ගොස් පහරදීම ඇතුළු සිද්ධීන් රැසක් මෙන්ම හිටපු නාවික හමුදාපති වසන්ත කරන්නාගොඩ ඇතුළු නාවික නිලධාරීන් 16 කට චෝදනා එල්ල වී ඇති පුද්ගලයන් 11 දෙනකු පැහැරගෙන ගොස් අතුරුදන් කිරීම පිළිබඳව විමර්ශන මෙහෙයවුයේ පොලිස් පරීක්ෂක නිශාන්ත ද සිල්වා විසිනි.

හිටපු ජනපති මෛත්‍රීපාල සිරිසේන ව්‍යවස්ථා විරෝධි ලෙස මහින්ද රාජපක්ෂ අගමැති ධුරයට පත් කිරිමෙන් පසුව නිශාන්ත ද සිල්වා අපරාධ පරීක්ෂණ දෙපාර්තමේන්තුවේ සිට මීගමුව කොට්ඨාසය වෙත ස්ථාන මාරුවක් ලබාදුන් අතර දින දෙකක කාලයකදී යළි එය අත්හිටුවනු ලැබුවේ ඔහු විසින් ඉදිරිපත් කරන ලද අභියාචනයක් සැලකිල්ලට ගනිමින්ය. ඒ අවස්ථාවේ සිවිල් සමාජ කණ්ඩායම් පොලිස් පරීක්ෂකයාගේ ස්ථාන මාරුවට බලවත් විරෝධයක් දැක්වූහ.

Facebook Comments

HailHost