එජාපයට කර ගහන්න කරූ බැහැ කියයි

0

එක්සත් ජාතික පක්ෂ නායකත්ව භාර ගන්නා ලෙස ලැබී ඇති ඉල්ලිම් කතානායකවරයා විසින් ප්‍රතික්ෂේප කර තිබේ.

පක්‍ෂයේ ජ්‍යෙෂ්ඨයන් හා මන්ත්‍රීවරුන් අවස්ථා කිහිපයකදී පක්‍ෂ නායකත්ව භාරගන්නා ලෙස කරූ ජයසුරියගෙන් ඉල්ලා ඇති අතර අර්බුදයක් නිර්මාණය වී තිබෙන බැවින් පක්‍ෂ නායකත්වය භාරගැනීමට නොහැකි බවයි ඔහු දැනුම් දී ඇත්තේ.

එ.ජා.ප. නායක රනිල් වික්‍රමසිංහ හා සජිත් ප්‍රේමදාස යන දෙදෙනා අතරේ හටගෙන තිබෙන ගැටලුකාරී තත්ත්වය මධ්‍යයේ තමන්ට නායක ධුරය ලබාගෙන කටයුතු කිරීමට නොහැකි බව පෙන්වා දී ඇති කතානායකවරයා මහ මැතිවරණයක් අබියසදී පාක්‍ෂිකයන් දෙපසට වී චෝදනා කර ගන්නා පරිසයක් තුළ පක්‍ෂය ජයග්‍රාහී මට්ටමට ගෙන යා නොහැකි බව අවධාරණය කර ඇත.

තමන් නායකත්වය භාර ගත්තද එය කඩකප්පල් කිරීමට පිරිසක් බලා සිටින බවට අනතුරු අඟවා ඇති කරූ ජයසුරිය පක්‍ෂයේ නායකයන් එක්ව සාකච්ඡා කර සුදුසු තීරණයක් ගන්නා ලෙස තමන් වෙත නායකත්වය භාර ගන්නැයි ඉල්ලු පිරිස් වෙත දැන්වු බවයි වාර්තා වන්නේ.

රනිල් වික්‍රමසිංහට සහ සජිත් ප්‍රේමදාසට හිතවත් මන්ත්‍රීවරුන් මේ වනවිට කටයුතු කරන ආකාරය අනුව එක්සත් ජාතික පක්‍ෂයට විශාල හානියක් සිදුවෙමින් පවතින බවට කරූ ජයසුරිය වැඩි දුරටත් අනතුරු ඇඟවු බව අද පුවත්පත වාර්තා කර ඇත.

Facebook Comments

wedding people