ජන නැගිටීම් තුලින් බලය අහිමි වු ආණ්ඩුවේ ආධාරකරුවන් හමුදා පාලනයක් ඇති කිරිමට අවශ්‍ය වට පිටාව නිර්මාණය කරමින් තිබෙන බවට වෘත්තිය සමිති නායකයෙකු සැක පළ කර තිබේ.
“සාමකාමී ජන අරගලයට අත තැබූ මහින්ද රාජපක්ෂ සහ රාජපක්ෂ ආණ්ඩුව ගෙදර ගිහින් ඉවරයි. දැන් දේශපාලන මැරයෝ, කුඩු කාරයෝ ආගම් අන්තවාදීන් වැඩේ අතට ගන්න හදමින් ඉන්නවා. මේක හමුදා පාලනයේ සැලසුම් සහගත උත්සාහයක් වෙන්න පුළුවන්” යැයි වෘත්තීය සමිති සම්බන්ධීකරණ මධ්‍යස්ථානයේ නියෝජිත රවී කුමුදේෂ් පවසයි.
“ආරක්ෂක ලේකම් කියලා කෙනෙක් ඊයේ රෑ කියනවා වෙඩි තියන්න කියලා. හිටපු අගමැති හැංගිලා. එයාව නිත්‍යානුකූලවම අයින් කරලා. ආණ්ඩුවක් නෑ. ඒ නිසා ආරක්ෂක ලේකම් කෙනෙක් ඉන්න විදිහක් නෑ”
රට පුරා ඇඳිරි නීතය පනවා තිබියදී කොළඹ අවට හමුදා සන්නද්ධ රථ ගමන් කරන විඩියෝ පට සමාජ ඡාලා ඔස්සේ පළ කර තිබුනි.
වැඩ වර්ජනය අවසන්
මේ වන විට රටේ නිර්මාණය වෙලා තියන තත්වය මගින් වෙනත් වාසි ලබා ගැනීමට ඉඩ නොතබමින්, රට යථා තත්වයට පත් කර ගැනීම, අරගලය ඉදිරියට ගෙන යෑම සදහා අත්‍යවශ්‍ය වන බැවින් රාජ්‍ය සහ පෞද්ගලික ආයතන වෘත්තිය සමිති ක්‍රියාත්මක කළ ඒකාබද්ධ සිදුකළ වැඩ වර්ජනය හෙට (12) උදෑසන 7 සිට අවසන් කරන බවද හෙතෙම පවසයි.
ගාලුමුවදොර ‘අරගල භූමියට’ ප්‍රහාරය එල්ල කිරීමට පැමිණි මැරයන්ට මහජනතාව නිසි දඩුවම් ලබාදී ඇති බැවින්, තවදුරටත් රට තුළ ප්‍රචණ්ඩත්වය ක්‍රියාත්මවීම වැලකිය යුතු බවත් ආගම් අන්තවාදීන්, හොරුන්, දේශපාළණ මැරයින්, හොරුන්ට ජන අරගලය අතට ගැනීමේ ඉඩ වැලකිය යුතු බවට නිවේදනයක් නිකුත් කරමින් ඔහු අවධාරණය කරයි.
“ප්‍රහාරය එල්ල කිරීමට පැමිණි මහින්ද රාජපක්ෂගේ මැරයන්ට මහජනතාව නිසි දඩුවම් ලබා දී ඇතත්, මහ ජනතාව නීතිය අතට ගැනීම කිසිසේත්ම රටේ අනාගතයට හෝ ජන අරගලයේ ජයග්‍රහණයට ව්වාසියක් නොවන බැවින්ද, වගකිවයුතු රජයක් හෝ ජනතාව පිළිගන්නා ජනාධිපතිවරයෙකු නොමැති තත්වයක් යටතේ මහජන සේවාවන් සහ රටේ ආර්ථික මර්මස්ථාන යාන්ත්‍රණය අඩපණවීම බරපතලව සැලකියයුතු බැවින් වෘත්තීය සමිති විසින් මෙම තීරණයට එළඹෙන ලදී.”
රට ව්‍යවස්ථාණුකූල ලෙස කඩිනමින් යථා තත්වයට පත් කිරීම සියළු පාර්ලිමේන්තු මන්ත්‍රීවරුන්ගේ සහ දේශපාලන පක්ෂ නායකයින්ගේ වගකීමක් වන බැවින් ජන අරගලය විසින් ඉල්ලනු ලබන සැබෑ දේශපාලන පරිවර්තනය සදහා වන අරගලය ලබන 13 වෙනිදා සිට නව මුහුහුණුවරකින් නැවත ආරම්භ කිරීමටද වෘත්තීය සමිති ඒකාබද්ධව තීරණය කර ඇත.
Facebook Comments
