ශ්‍රී ලංකා නිදහස් පක්ෂයේ ප‍්‍රබලයන් පිරිසක් ආණ්ඩුවෙන් ඉවත් වීම පිළිබඳව එක්සත් ජාතික පක්ෂ මන්ත්රීවරුන් ප්‍රසිද්ධියේ කතා නොකල යුතු බවට අගමැතිවරයා දැඩි ලෙස එජාප මැති ඇමතිවරුන්ට අවවාද කර ඇත.
ශ්‍රී ලංකා නිදහස් පක්ෂයෙන් ඉවත් වන බව කියන කැරලිකාර කණ්ඩායම් ගැන කබීර් අදහස් පළකරමින් “යන අයට යන්න කියන්න. ආණ්ඩුවට ඒ වගේ තීරණ වලින් බලපෑමක් නැහැ” යැයි පවසා තිබුණි.
මේ පිළිබඳව ශ්‍රී ලංකා නිදහස් පක්ෂ පාක්ෂිකයින් දැඩි ලෙස උරණව ජනාධිපතිවරයාට ඒ බව පවසා ඇති අතර ජනාධිපති මෛත්‍රීපාල සිරිසේන මේ සම්බන්ධයෙන් එක්සත් ජාතික පක්ෂයේ සභාපති මලික් සමරවික‍්‍රමට දුරකතන ඇමතුමක් ලබාදී තම පක්ෂයේ ගැටලූ පිළිබඳව එක්සත් ජාතික පක්ෂයට මැදිහත් නොවන ලෙස දන්වා ඇත.
මේ පිළිබඳව රනිල් වික‍්‍රමසිංහ අග‍්‍රාමාත්‍යවරයාට දැනුම් දීමෙන් අනතුරුව ඔහු තමන්ගේ පාක්ෂිකයින්ට ශ්‍රී ලංකා නිදහස් පක්ෂයේ මැති ඇමතිවරු ගැන අදහස් පල කිරීමෙන් වැලකී සිටින ලෙස මෙසේ අවවාද කර තිබේ.
Facebook Comments
