ඇෆ්ගනිස්ථානයේ කාබුල් නුවරට එල්ල වූ මරාගෙන මැරෙන කාර් බෝම්බ ප්‍රහාරයකින් පුද්ගලයන් 30 දෙනකු පමණ ජිවිතක්ෂයට පත් වී තිබේ.
මෙම ප්‍රහාරයෙන් අවම වශයෙන් 42ක් තුවාල ලබා ඇති බව සහ මියගිය සංඛ්‍යාව තවත් ඉහල යා හැකි බවට ඇෆ්ගනිස්ථානයේ බලධාරින් බිය පල කරති.
පතල් හා කර්මාන්ත අමාත්‍යංශ රාජ්‍ය සේවකයන් ප්‍රවාහනය කරමින් තිබූ බස් රථයකට බෝම්බ ප්‍රහාරය එල්ල වී ඇති අතර තාලිබාන් සංවිධානය ප්‍රහාරයේ වගකීම බාරගෙන තිබේ.
මෙම වසර තුළ කාබුල් හි සිදු වූ මරාගෙන මැරෙන පහරදීම් කිහිපයක් සඳහාම තලේබාන් මුස්ලිම් අන්තවාදී සංවිධානය චෝදනා ලබයි.
එක්සත් ජාතීන්ට ගණන් බැලීම් අනුව මෙම වසරේ මුල් අර්ධය තුළ පමණක් එරට සිවිල්වැසියන් 1662 ක් පමණ ජීවිතක්ෂයට පත්ව තිබේ.
Facebook Comments
