මියන්මාර හමුදාවට යුද අපරාධ චෝදනා

0

මියන්මාර හමුදාව යුද අපරාධ සිදු කර ඇති බවට එක්සත් ජාතීන් පසුගියදා නිකුත් කළ වාර්තාවේ දැක්වෙන කරුණු තමන් ඒ පිළිබඳව සිදු කළ විමර්ශනයෙන් හෙළි වූ කරුණු හා බොහෝ සෙයින් සමාන බව ඇමෙරිකාව පවසයි.

එක්සත් ජාතීන්ගේ ඇමෙරිකානු තානාපති නිකී හෙලි ආරක්ෂක කවුන්සිලය අමතමින් පැවසුවේ, රෝහින්ග්‍යා අර්බුදයේදී මියන්මාර හමුදා ප්‍රධානියා ඇතුළු ඉහළ නිලයන් දරණ හමුදා සාමාජිකයින් යුද අපරාධ සිදු කිරීමට තැත් කර ඇති බවයි.

“සත්‍ය නීරස වුවද එය පමා වී හෝ ලෝකයාට හෙළිදරව් වනු ඇත.” යි ඇය ආරක්ෂක කවුන්සිලය අමතමින් අවධාරණය කළාය.

ඇමෙරිකානු වාර්තාව සැකසීම සඳහා අහඹු ලෙස තෝරාගත් රෝහින්ග්‍යා වැසියන් 1000 යොදා ගෙන ඇති අතර ඔවුන් අතරින් 200කට අධික පිරිසක් රෝහින්ග්‍යා අර්බුදයේදී පුද්ගලයින් 100 දෙනෙකු මිය යන්නට හෝ තුවාල ලබන්නට ඇති බවටත්, 500කට අධික පිරිසක් දූෂණය කිරීමේ සිද්ධීන් ඇසින් දුටු සාක්ෂි සහිතව තහවුරු කර ඇති බවට ප්‍රකාශ කර තිබේ.

මේ අතර එක්සත් ජාතීන්ගේ සංවිධානය ද පසුගියදා වාර්තාවක් නිකුත් කරමින් පැවසුවේ, සමූල ඝාතන චෝදනා සම්බන්ධයෙන් මියන්මාර හමුදා ප්‍රධානීන්ට එරෙහිව විමර්ශන පැවැත්විය යුතු බවයි.

රඛයන් ප්‍රාන්තයේ වෙසෙන රෝහින්ග්‍යා මුස්ලිම් වැසියන් ඉලක්ක කර සිදු කළ ප්‍රචණ්ඩකාරී ක්‍රියාවන් හමුවේ එක්සත් ජාතීන්, මියන්මාර හමුදා සාමාජිකයින් සමග සිදු කළ සම්මුඛ සාකච්ඡා මත පදනම්ව මෙම චෝදනා ගොනු කර තිබේ.

ආරක්ෂාව තහවුරු කිරීමේ අරමුණින් මියන්මාර හමුදාව ගත් ඇතැම් ප්‍රයත්නයන් එරට සැබෑ ආරක්ෂාව සඳහා කිසිසේත් සුදුසු නොවන බවටයි එම වාර්තාව මඟින් චෝදනා කර ඇත්තේ.

මියන්මාර හමුදාවේ ජ්‍යේෂ්ඨ නිලධාරීන් 6 දෙනෙකුට එරෙහිව සමූල ඝාතන චෝදනා සම්බන්ධයෙන් ජාත්‍යන්තර අපරාධ අධිකරණයේ නඩු පැවරීමට නියමිත බව ද එම වාර්තාවේ සඳහන් ය.

මියන්මාරයේ නිල නොලත් නායිකාව ලෙස සැලකෙන අවුන් සාන් සුකී ද හමුදාවේ මෙම ක්‍රියාවන් නැවැත්වීමට පියවර නොගැනීම සම්බන්ධයෙන් ද එම වාර්තාව මගින් දැඩි සේ විවේචනය කර තිබේ.

Facebook Comments

wedding people