නීති විරෝධි අයුරින් වත්කම් උපයාගෙන ඇති බවට වසර 18ක් තිස්සේ විභාග වූ නඩුවකින් වරදකාරිය බවට පත්වු ඒ.අයි.ඒ.ඩි.එම්.කේ. පක්ෂයේ නායිකා වී.කේ. සසිකලා ට වසර 4ක් සිර දඬුවමක් හා ඉන්දිය රුපියල් කෝටි 10ක දඬයක් පැනවීමට ඉන්දියාවේ ශ්‍රේෂ්ඨාධිකරණය නියෝග කර තිබේ.
ඉන්දියාවේ ශ්‍රේෂ්ඨාධිකරණය විසින් නඩුවට අදාළ තීන්දුව අද (14) ප්‍රකාශයට පත් කළ අතර නඩු තින්දුව ප්‍රකාශයට පත්කරමින් ශ්‍රේෂ්ඨාධිකරණය පැවැසුවේ සසිකලා ඉතාමත් ඉක්මනින් අධිකරණයට බාර විය යුතු බවයි.
මෙම නඩු තීන්දුවත් සමගින් සසිකලාට වසර 10ක් දේශපාලනය තහනම් වනු ඇත.
තමිල්නාඩු හිටපු මහ ඇමතිනී ජයලලිතා ජයරාම් ගේ ඥාතී දියණියක වන සසිකලා, ජයලලිතාගේ මරණයෙන් පසුව තමිල්නාඩු මහ ඇමතිනිය බවට පත්විමටද බලාපොරොත්තුවෙන් පසු වු අතර තමන් එම ධුරයට පත් නොකිරීම සම්බන්ධයෙන් ඇය ජයලලිතා ජයරාම් ගේ සොහොන අසල මාරාන්තික උපවාසයක් කිරීමට ද සුදානමින් සිටියාය.
Facebook Comments
