ඇමෙරිකාව එක්සත් ජාතීන්ගේ අධ්‍යාපන, විද්‍යා හා සංස්කෘතික සංවිධානයෙන් (යුනෙස්කෝ) ඉවත් වීමට තීරණය කර තිබේ.
යුනෙස්කෝව පසුගිය කාලයේදී ගෙන එන ලද සියලු යෝජනා ඊශ්‍රායල විරෝධී යෝජනා බවට චෝදනා කරමින් ඇමෙරිකාව මෙලෙස එම සංවිධානයෙන් ඉවත් වීමට තීරණය කල බව දැනුම් දෙයි.
ඇමෙරිකාව යුනෙස්කෝ සංවිධානයෙන් ඉවත් වීම එක්සත් ජාතීන්ගේ පවුලට සිදු වූ පාඩුවක් යැයි ඒ සම්බන්ධයෙන් නිවේදනයක් නිකුත් කරමින් එම සංවිධානයේ අධ්‍යක්ෂ ජනරල් අයිරිනා බොකෝවා පවසා තිබේ.
ඇමෙරිකාව යුනෙස්කෝ සංවිධානයෙන් නිල වශයෙන් ඉවත් වීම ක්‍රියාත්මක වනු ඇත්තේ ලබන වසරේ දෙසැම්බර් මාසයේ සිටය.
මේ අතර ඇමෙරිකාව අනුගමනය කරමින් ඊශ්‍රායලයද යුනෙස්කෝ සංවිධානයෙන් ඉවත් වීමට නියමිත යැයි විදෙස් මාධ්‍ය වාර්තා කරයි.
Facebook Comments
