තමන් සිංහලයන් හට හෝ ජනපති හට විරුද්ධ නැති බව පවසන අතරුදහන් වුවන්ගේ ඥ‍තීන් තමන්ට අවශ්‍ය තම දරුවන් බව ජනපති හමුවේ කියා සිටියේය.
තම දරුවන් ජිවතුන් අතර සිටින බව ජනපති හමුවේ අවධාරණය කල එම දෙමාව්පියන් ඔවුන් නිදහස් කරන ලෙස ඉල්ලා සිටියේ 14 සෙනසුරාදා ජනපති මෛත්‍රීපාල සිරිසේන කිලිනොච්චියේදී සත්‍යග්‍රහයේ නිරත එම ඥාතීන් හමුවීමට පැමිණි අවස්ථාවේදීය.
දින 200 වැඩි කාලයක් තිස්සේ තම දරුවන් සොය දෙන ලෙස බල කරමින් කිලිනොච්චිය නගරයේ සත්‍යග්‍රහයේ නිරත වන මව්වරුන්ගෙන් පස් දෙනෙකුම තම දරුවන් ගැන යුක්තිය නොලබාම මියගිය බව ඔවුන් ජනපති වෙත කියා සිටියේය.
අතුරුදහන් වුවන් සිටින ස්ථානයක් පිළිබඳව දැනුම් දෙන්නේ නම් ආරක්ෂා සහිත එම ස්ථානය නිරීක්ෂණය කිරීමට එම දෙමාපියන්ට අවස්ථාව ලබා දෙන ජනපති පවසන ලදී.
“අපි කලින් දැනුම් දීලා ගියොත් ඒගොල්ලො වෙන තැනකට අරන් යනවා ඒක අපි විශ්වාස නැ සර් ත්‍රිකුණාමලේ නෙවී කෑම්ප් එකේ ඒක තමයි වුනේ සර්” යැයි ඔවුන් ජනපති හමුවේ චෝදනා කලත් “නැහැ නැහැ” යි සිනාසී ජනාධිපති එම චෝදනා බැහැර කළේය.
කෙසේ වෙතත් කොළඹ පැමිණි තමන් හමුවීමට අවස්ථාවක් දෙන බවට ජනපති මෛත්‍රීපාල සිරිසේන අතුරුදහන් වුවන්ගේ ඥාතීන් හට පොරොන්දු විය.
තමන් හට ජනාධිපතිවරයා විශ්වාස බව කී එම ඥාතීන් ජනපති විසින් අතුරුදහන් වුවන් සොය දෙනු ඇතැයි විශ්වාසය පල කළේය.
Facebook Comments
