බැඳුම්කර නිකුත් කිරීමේදී අක්‍රමිකතාවක් සිදුවී ඇතිද යන්න විභාග කරන කොමිසම හමුවේ ඕනෑම අවස්ථාවක තොරතුරු ලබාදීමට අග්‍රාමාත්‍ය රනිල් වික්‍රමසිංහ සුදානම් බව අග්‍රාමාත්‍ය කාර්යාලය නිවේදනය කරයි.
කොමිසම හමුවේ සාක්ෂි දෙමින් හිටපු මහා බැංකු අධිපති අර්ජුන් මහේන්ද්‍රන් බැඳුම්කර නිකුතුව සම්බන්ධයෙන් ලබාදුන් උපදෙස් පිළිබඳව අගමැති රනිල් වික්‍රමසිංහගෙන් විමසිය යුතු බවට ප්‍රකාශ කිරීමත් සමඟ අගමැතිවරයා කොමිසම හමුවට කැඳවිය යුතු බව විවිධ දේශපාලන පක්ෂ සඳහන් කර තිබුණි.
යහපාලනය හා ප්‍රජාතන්ත්‍රවාදය යළි රටතුළ තහවුරු කිරීම සඳහා ජනවාරි 08 වැනිදා මෙරට ජනතාව බහුතර ජනවරමක් ලබාදී තිබෙන බව මෙන්ම රජයට හෝ රජයේ නිලධාරීන්ට චෝදනා එල්ලවන අවස්ථාවන්හිදී ඒ පිළිබඳ පරීක්ෂණ පැවැත්වීමට රජය සෑමවිටම කටයුතු කරන බවද එම නිවේදනයේ වැඩිදුරටත් දැක්වේ.
Facebook Comments
