පාර්ලිමේන්තුවේ බහුතර මන්ත්‍රී පිරිසකගේ විශ්වාසය දිනා ගන්නා පුද්ගලයෙකු ස්ථාපිත වන තුරු රනිල් වික්‍රමසිංහගේ වරප්‍රසාද ආරක්ෂා කරන ලෙස කතානායක ජනාධිපතිවරයා වෙත් දන්වා තිබේ.
රනිල් වික්‍රමසිංහගේ අයිතිවාසිකම් ආරක්ෂා කර දෙන ලෙසට එක්සත් ජාතික පක්ෂය කරන ලද ඉල්ලීමට අනුව කතානායක කරූ ජයසුරිය ජනාධිපතිවරයාට ලිපියක් යොමු කරමින් මෙම ඉල්ලීම කර ඇත.
එක්සත් ජාතික පක්ෂ නායකයා සතු අගමැති ආරක්ෂාව සහ ඔහුගේ නිල වාහන ජනාධිපති මෛත්‍රීපාල සිරිසේන විසින් 27 සෙනසුරාදා ආපසු කැඳවා ඇති බව මංගල සමරවීර කියා තිබුණි.
රාජ්‍ය මාධ්‍ය තුල සිදුව ඇති කලහකාරී ත්ත්වයන් සහ විවිධ පුද්ගලයන් විසින් මාධ්‍ය හරහා කරනු ලබන තර්ජන හරහා අන්තර් ජාතික වශයෙන් රටට සිදුව ඇති හානියද ජනාධිපතිවරයාට වැටහෙනු ඇති බවට කතානායකවරයා සිය විශ්වාසය පළ කර ඇත.
ඇතැම් විදේශ රටවල් විසින් මෙරට පැමිණිමට නියමිතව තිබු සංචාරකයන් හට අනතුරු ඇඟවීම එයට උදාහරණ ලෙස කතානායකවරයා පෙන්වා දෙයි.
නැවත පාර්ලිමේන්තුව රැස්වන තුරු රටේ ස්ථාවරත්වය පවත්වාගෙන යන ලෙසට ඉල්ලා සිටින කතානායකවරයා පාර්මේන්තුව කලා තැබීමට පෙර කතානායකවරයාගේ අදහස් විමසිමේ ප්‍රජාතන්තුවාදී සම්ප්‍රදායද ජනාධිපති හට සිහිපත් කර දී ඇත.
Facebook Comments
