විමල් වීරවංශ සහ ගම්මන්පිල පාර්ශවයෙන් ගෝඨාභය රාජපක්ෂ ආරක්ෂක ලේකම් ධුරයට පත් කර අරලිය ගහ මන්දිර වැටලිය යුතු බවට යෝජනා කර ඇතත් බැසිල් රාජපක්ෂ එයට විරෝධය පළ කර තිබේ.
ගෝඨාභය රාජපක්ෂ වෙත එල්ලවී ඇති අපරාධ චෝදනා හේතුවෙන් ඔහු පත් කිරීම දේශිය මෙන්ම ජාත්‍යන්තර වශයෙන් අවාසිදායක වනු ඇති බවට බැසිල් රාජපක්ෂ ජනාධිපතිවරයාට පෙන්වා දී ඇත්තේ.
වෙනත් පුද්ගලයෙකු ආරක්ෂක ලේකම් පුටුවේ ඉන්ඳවා ගෝඨාභය රාජපක්ෂ හරහා ආරක්ෂක අංශ පාලනය කිරීමට ජනාධිපතිවරයා කරන ලද යෝජනවාට සියලු දෙනා එකඟ වු බව නම සඳහන් නොකරන්නැයි ඉල්ලා සිටි ශ්‍රීලනිප පාර්ලිමේන්තු මන්ත්‍රීවරයෙකු කියා සිටියේය.
ඔහු කිසිඳු තනතුරුක් බාර නොගන්නා බවට මාධ්‍ය ප්‍රචාරණයක් ලබා දීමට තීරණය කර ඇත්තේ ඒ අනුවය.
කෙසේ අගමැති ප්‍රමුඛ එක්සත් ජාතික පාක්ෂිකයන් අරලිය ගහ මන්දිරයෙන් පන්නා බලය අල්ලා ගත යුතු බව සහ අණට කීකරු නොවන අය අල්ලා සිරගත කල යුතු බවට ජනාධිපති මෛත්‍රීපාලන සිරිසේන 27 ඉරිදා රාත්‍රියේ මන්ත්‍රීවරුන් කිහිප දෙනෙකු සමඟ පැවති සාකච්ඡාවේදී දැඩිව කියා තිබේ.
කොපමණ මුදලක් වැය කර හෝ මන්ත්‍රීවරුන්ගේ බහුතරය ලබා ගන්නා ලෙසද ජනාධිපතිවරයා විසින් බැසිල් රාජපක්ෂ හට මෙහිදී උපදෙස් ලබා දී ඇත.
Facebook Comments
