සමූපකාර ක්‍ෂේත්‍රයට සම්බන්ධව සේවකයින්ගේ සහ සංවිධානවල දැනට පවතින ගැටලු ඉදිරි මාස 03 තුළ දී විසඳීමට පියවර ගන්නා බවට කර්මාන්ත හා වාණිජ කටයුතු අමාත්‍යවරයා පවසා තිබේ.
පසුගිය දා සමූපකාර ක්‍ෂේත්‍රයේ ප්‍රධාන පෙළේ සංවිධාන සමඟ පැවති සාකච්ඡාවක දි ඇමැති රිෂාඩ් බදියුදීන් මෙම පොරොන්දුව ලබා දී ඇත.
සමූපකාර ව්‍යාපාරයට සම්බන්ධ සංවිධාන 14 ක් පමණ මෙම සාකච්ඡාවට සම්බන්ධ වී ඇති අතර ඔවුන්ගේ ඉල්ලීම පරිදි යහපාලන රජය යටතේ අමාත්‍යවරයාව සෘජු ලෙස මුණ ගැසුණ ප්‍රථම වතාව මෙය බවයි එම අමාත්‍යංශය නිවේදනය කරන්නේ.
සමූපකාර සංවිධානයන්හි නියෝජිතයින් තමන් මුහුණ පා සිටින ගැටලු සහ අදහස් යෝජනා ද ඇමැතිවරයා වෙත ඉදිරිපත් කර තිබේ.
Facebook Comments
