උතුරු මහ ඇමැතිට එරෙහි අධිකරණයට අපහාස කිරිමේ නඩුව කල් යයි

0

අධිකරණයට අපහාස කිරිමේ චෝදනා එල්ලවන උතුරු පළාත් ප්‍රධාන අමාත්‍ය සී වී විග්නේෂ්වරන් සහ තවත් උතුරු පළාත් අමාත්‍යවරුන් දෙදෙනෙකුට ලබන 18 වනදා අධිකරණය හමුවේ පෙනී සිටින්නැයි අභියාචනාධිකරණය නියෝග කර තිබේ.

අභියාචනාධිකරණ විනිසුරු ජනක් ද සිල්වා විසින් 07 සිකුරාදා මෙම නියෝගය නිකුත් කර ඇත.

උතුරු පළාත් මහ ඇමැතිවරයාට අමතරව ආනන්දි ශෂිධරන් සහ සී සිවනේෂන් යන පළාත් සභා අමාත්‍යවරුන්ට මෙලෙස අධිකරණය හමුවේ පෙනී සිටින ලෙස නියෝග කෙරුණි.

පළාත් සභා අමාත්‍යවරයෙකු වන බී ඩැනිශ්වරන් අමාත්‍ය ධුරයෙන් ඉවත් කිරිමට උතුරු පළාත් ප්‍රධාන අමාත්‍යවරයා නිකුත් කර තිබු ලිපිය බල රහිත කරමින් අධිකරණය නියෝගයක් ලබා දී තිබුණ අතර එම නියෝගය ක්‍රියාත්මක නොකිරීම අධිකරණයට අපහාස කිරීමක් ලෙස සලකා අධිකරණයේ පෙනී සිටින මෙන් ඔවුන්ට නියෝග කර තිබුණි.

අදාළ අතුරු තහනම් නියෝගය ඔක්තෝම්බර් 09 වනදා දක්වා දීර්ඝ කල අභියාචනාධිකරණ නඩුව නැවත ලබන 18 වනදා කැඳවීමට තීරණය කළේය.

Facebook Comments

wedding people