විශ්ව විද්‍යාල වධකයන් ගැන ජනපතිගෙන් දැඩි තීරණයක්

0

නවක වදය වැළැක්වීම පිළිබඳ පනත නිසි ලෙස ක්‍රියාත්මක කරමින් නවක වදයට සම්බන්ධ වන පිරිස් වෙත දැඩි දඬුවම් ලබාදීමේ නීති ඉදිරියේ දී ක‍්‍රියාවට නංවන බව ජනපති පවසයි.

විශ්වවිද්‍යාල දරුවන්ගේ අනාගතය විනාශ කරන එම වැඩපිළිවෙළට ඉඩ නොතබන බව මෙන්ම විශ්වවිද්‍යාල අධ්‍යාපනයේ ගුණාත්මකභාවය ආරක්ෂාකර ගැනීම වෙනුවෙන් ද ඉදිරියේදී රජය විශේෂ වැඩපිළිවෙළක් ඔස්සේ කටයුතු කරන බවට ජනාධිපති මෛත්‍රීපාල සිරිසේන 07 සිකුරාදා ශ‍්‍රී ලංකා වෘත්තීය පුහුණු අධිකාරිය යටතේ ඉදිකිරීමට යෝජිත පොළොන්නරුව ජාතික වෘත්තීය පුහුණු ආයතනය සඳහා මුල් ගල් තැබීමේ අවස්ථාවට එක්වෙමින් කියා සිටියේය.

විශ්වවිද්‍යාල වරම් ලැබුව ද නවක වදය හේතුවෙන් පසුගිය කාලය තුළ විශ්ව විද්‍යාල වලට ඇතුළත් නොවු සිසුන්ගේ සංඛ්‍යාව 1500 කට වැඩි බව පෙන්වා දුන් ජනපති සුගිය වසර 25 තුළ නවක වදය හේතුවෙන් මිය ගිය සිසුන් සංඛ්‍යාව 25 කට ආසන්න බව ද සඳහන් කළේය.

සුළු පිරිසකගේ ම්ලේච්ඡ ක්‍රියාකාරකම් හේතුවෙන් බහුතරයක් දරුවන්ගේ අනාගතය විනාශවීමට ඉඩ තැබිය නොහැකි බවට ජනාධිපතිවරයා අවධාරණය කර සිටියේය.

ඇතැම් දේශපාලන කණ්ඩායම් විසින් විශ්වවිද්‍යාල ශිෂ්‍යයින් බිලිගෙන තිබෙන අතර, රට භාරගැනීමට සිටින දරු පරපුර අතර ම්ලේච්ඡත්වය පැතිරවීමට දරන එම උත්සහයන් පරාජය කළයුතු බව ද ජනාධිපති මෛත්‍රීපාල සිරිසේන වැඩි දුරටත් පැවසීය.

Facebook Comments

wedding people