ජනපති අතුරුදහන් කාර්යාල පනතට අත්සන් තැබීම ඒකාබද්ධයට දුන් “කනේ පහරක්” (VIDEO)

0
991
Ivory Agency Sri Lanka
wedding people

ජනාධිපතිවරයා විසින් අතුරුදහන් වුවන් පිලිබඳව වු කාර්යාල පනතේ ගැසට් පත්‍රයට 20 බ්‍රහස්පතින්දා අත්සන් තබා ඇති බව පවසන අතුරුදහන් වුවන්ගේ පවුල් එකතුවේ සභාපතිවරයා එම ගැසට් පත්‍රයට අත්සන් තැබීම ජනාධිපතිවරයා විසින් මහින්ද රාජපක්ෂ ඇතුළු ඒකාබද්ධ විපක්ෂයට දුන් “කනේ පහරක්” බව පවසයි.

බලාපොරොත්තු කඩ වෙමින් පැවති මොහොතක අතුරුදහන් කාර්යාලය පිහිටුවීම සම්බන්ධව ජනාධිපති මෛත්‍රීපාල සිරිසේන හට සිය ස්තුතිය පල කරන බව 20 බ්‍රහස්පතින්දා පැවති මාධ්‍ය හමුවකදී බ්‍රිටෝ ප්‍රනාන්දු කියා සිටියේය.

“මහින්ද රාජපක්ෂ හිතුවෙ හැමදාම පන්සල් වල රැවුල කරකොලා කියපුවම ආණ්ඩුව මේ පනත හකුල ගනී කියලා.අපිත් හිතුවෙ එහෙමයි අවුරුද්දක් ගත වෙද්දි” කී සභාපතිවරයා මෙම පනතට අත්සන් තැබීම හරහා යහපාලන රජය මහින්ද රාජපක්ෂ ප්‍රමුඛ රාජපක්ෂ නඩයට පැහැදිලිවම අභියෝග කරමින් දුන් පොරොන්දු ඉදිරියට ගෙන යන බව ඔප්පු කර ඇති බව කියා සිටියි.

යහපාලන රජය පොරොන්දු වු පරිදි සත්‍ය සෙවිමේ කොමිසම, වන්දි ගෙවිමේ කොමිසම සහ නැවත සිදු නොවීම ගන්නා වු ක්‍රීයා මාර්ග ආණ්ඩුව කඩිනම් කරනු ඇති බවට ද අතුරුදහන් වුවන්ගේ පවුල් එකතුවේ සභාපති බ්‍රිටෝ ප්‍රනාන්දු විශ්වාසය පල කරයි.

“දෙපිට කට්ටු” වැඩ

මහින්ද රාජපක්ෂව මිනිසුන් විසින් හඳුනා ගත්තේ අතුරුදහන්වීම් වලට එරෙහි වීම නිසාවෙන් බැව් පවසන බ්‍රිටෝ අවසානවකට ඔහු ජනාධිපති වු පසු අතුරුදහන් වුවන් වෙනුවෙන් කිසිඳු සාධාරණයක් ඉටු නොකල බවට චෝදනා කළේය.

එදා අතුරුදහන්වීම් වලට එරෙහිව ඇඟිල්ල දිගු වන එක්සත් ජාතික පක්ෂය ජනපති මෛත්‍රීපාල සමඟ දුන් පොරොන්දු ඉටු කරන විට මහින්ද රාජපක්ෂ ඉතා නින්දිත ආකාරයට අතුරුදහන්විම් සම්බන්ධව කතා නොකල යුතු බව කියා සිටින බවයි ඔහු පවසන්නේ.

අද අතුරුදහන්විම් වලට එරෙහි විම මඟින් රණවිරුවන්ට හානි වන බව පවසන මහින්ද රාජපක්ෂ “එදා 89 කිව්වේ ඇයි. එදා ජිනිවා ගියේ ඇයි කතරගමට පයින් ගියේ ඇයි” යන්න ප්‍රශ්න කරන බ්‍රිටෝ ප්‍රනාන්දු “එදා කිව්වෙත් අතුරුදහන්විම් වලට සම්බන්ධ හමුදාවේ සහ රජයේ එළියට ගෙනල්ල අතුරුදහන්විම් වළක්වන්න” එසේ කී රාජපක්ෂ 89 සිදු වු අතුරුදහන්විම් වලට මෙන්ම උතුරේ වු අතුරුදහන් පිළිබඳව සොයනවාටත් විරුද්ධ වෙමින් “දෙපිට කට්ටු” වැඩ නොකරන ලෙස කියා සිටියි.

අතුරුදහන්වුවන්ගේ මව්වරුන්ගේ දුක පාවිච්ච කරමින් ඉහලට ආ මහින්ද රාජපක්ෂ අද එය අමතක කරන්නේ නම් මේ රටේ දරුවන් සිටින කිසිඳු මවක් ඔහුට සමාව නොදෙන බව අතුරුදහන් වුවන්ගේ පවුල් එකතුවේ සභාපතිවරයා අවධාරණය කරයි.

බුදුන්ගේ ධර්මය

අතුරුදහන්විම් වලට එරෙහි පනතට විරුද්ධ බෞද්ධ භික්ෂුන්ගෙන් 89 දී හමුදුරුවරුන් කී දෙනෙක් වද දිම් වලට ලක් වුවාද කොපමණ ජිවිතක්ෂයට පත් වුවද ඒ අය ගැන හොයන්න අවශ්‍යය නැද්දයි බ්‍රිටෝ ප්‍රනාන්දු ප්‍රශ්න කළේය.

දෙමළ මුස්ලිම් හා සිංහල බේදයකින් තොරව අතුරුදහන් වන්නේ අපේ රටේ දරුවන් බව මෙන්ම උතුරේ දෙමළ මිනිසුන් පෙන්වා දකුණේ අපරාධ වසා දැමීමට උත්සාහ නෙකරන ලෙසට අතුරුදහන් වුවන්ගේ පවුල් එකතුවේ සභාපතිවරයා බෞද්ධ භික්ෂුන්ගෙන් ඉල්ලා සිටියි.

දෙවියන්ගේ හා බුදුන්ගේ ධර්මය විශ්වාස කරන්නන් හැටියට පැවිදි පුද්ගලයන් හට සාමාන්‍ය ගිහියන් වඩා ජිවිත්විමේ අයිතිය රැක ගන්න වැඩි අයිතියක් ඇති බව ඔහු අවධාරණය කරයි.

බුදුන්ගේ ධර්මය ආරක්ෂා කරන්නන් උතුරේ මරා දැමිම සාධාරණය කරනවා නම් තමන්ගේ පන්සල් වල හිටි හාමුදුරුවරුන් මරා දැමීම සාධාරණ කරන්නේ නම් ඒ පිළිබඳව කණගාටුව වෙනවා හැර වෙන කිසිවක් කරන්නට නොමැති බවයි අතුරුදහන් වුවන්ගේ පවුල් එකතුවේ සභාපති බ්‍රිටෝ ප්‍රනාන්දු වැඩි දුරටත් කියා සිටියේ.

Facebook Comments