වෛරී ප්‍රකාශ හා ව්‍යාජ පුවත් සමාජ ජාල මාධ්‍ය හරහා ප්‍රචාරය කිරීම වැලැක්වීම සඳහා අවශ්‍ය නීති මාසයකි තුල ගෙන ඒමට බලාපොරොත්තු වන බව ඩිජිටල් යටිතල පහසුකම් පිළිබඳ අමාත්‍යවරයා පවසයි.
මේ දිනවල මැලේසියාව ආදී රටවල ඇති නීති රීති පිළිබඳ අධ්‍යනය කරමින් මෙරටට ගැලපෙන ආකාරයට නීති සම්බන්ධනය කිරිමට පියවර ගිනිමින් සිටින බවයි අමාත්‍ය හරීන් ප්‍රනාන්දු පෙන්වා දෙන්නේ.
පසුගියදා මහනුවර ප්‍රදේශයේ ප්‍රචණ්ඩත්වයට ප්‍රධාන වශයෙන් බලපා ඇත්තේ සමාජ මාධ්‍ය හරහා ද්වේෂ සහගත වෛරය පැතිරීම බවයි ඇමැතිවරයා අවධාරණය කරන්නේ.
නීති කෙටුම්පත් සකස් කිරීම සඳහා අමාත්‍ය මණ්ඩලය විසින් කමිටුවක් පත්කර ඇති අතර ඒ සඳහා විදුලි සංදේශ හා ඩිජිටල් යටිතල පහසුකම් පිළිබඳ අමාත්‍ය හරීන් ප්‍රනාන්දු, නීතිය සාමය පිළිබඳ අමාත්‍ය රංජිත් මද්දුම බණ්ඩාර , මුදල් හා ජනමාධ්‍ය අමාත්‍ය මංගල සමරවීර සහ ආරක්ෂක අමාත්‍යංශයේ නියෝජිතයන්ගෙන් එම කමිටුව සමන්විත වේ.
Facebook Comments
