වත්මන් ආණ්ඩුවේ ඇතමුන් මෛත්‍රී පිලේ සහ මහින්දගේ පිලේ දෙපැත්තේම කකුල් තියාගෙන සිටින බවට චෝදනා කරන පුත්තලම් දිස්ත්‍රික් එජාප මන්ත්‍රීවරයෙකු එවන් පුද්ගලයින් ජනතාව විසින් ප්‍රතික්ෂේප කල යුතු බවට යෝජනා කරයි.
ජනතාව වෙනුවෙන් සැදු ආණ්ඩුවේ සැප විඳි ඇතැම් ශ්‍රීලනිප ඇමතිවරුන් පිරිසක් නැවත මහින්ද රාජපක්ෂ සමඟ එකතු වන බවට ප්‍රකාශ කරමින් සිටින බව පවසන හෙක්ටර් අප්පුහාමි මන්ත්‍රීවරයා වත්මන් ආණ්ඩු සිටිමින් වංචා දුෂණ කිරිමට නොහැකි නිසා එම පිරිස එවැනි ප්‍රකාශ කරන බවටයි චෝදනා කරන්නේ.
එජාපය මුල් වී වත්මන් යහපාලන රජය නිර්මාණයේ කරන ලද්දේ ජනාතාව වෙනුවෙන් බව කී මන්ත්‍රීවරයා එජාප පක්ෂිකයන්ට මෙතෙක් සාධාරණය වී නොමැති අතරම තවමත් රට වෙනුවෙන් ඔවුන් කැප කිරීම් සිදු කිමින් සිටින බවද සිහි කළේය.
ඔල මොට්ටල ඇමතිලා
ආණ්ඩුවේ ඇමති ධුර දරමින් වැඩ කිරීමට නොහැකි බවට කවුරුන් හෝ මැසිවිලි නඟන්නේ නම් එවැනි ප්‍රකාශ සිදු කරන්නේ “ඔල මොට්ටල කමට” බවයි මන්ත්‍රීවරයා පෙන්වා දෙන්නේ.
ඇමති ධුරය දරන්නා ඉන් වැඩ කිරීමට දැන ගත යුතු බැවින් යමෙක් එසේ නොකරන්නේ නම් ඒ ඇමති ධුරය දරන්නාගේ අදක්ෂකම හෝ තමුන්ගේ දේශපාලන ගමනට එය භාවිතා කරන බවටයි මන්ත්‍රීවරයා චෝදනා කරන්නේ.
රාජපක්ෂ ආණ්ඩුවේ පවු
පසුගිය ආණ්ඩුව විසින් කරන ලද සියලු වැරදි වත්මන් රජයේ කර මත වැටී ඇති බැවින් ඒවා විධිමත් කර ජනතාවට ප්‍රතිඵල ලබා දීමේ වගකීමත් වත්මන් ආණ්ඩුව සතු බවයි හෙක්ටර් මන්ත්‍රීවරයා පෙන්වා දෙන්නේ.
සයිටම්, උමා ඔය සහ කුණු ප්‍රශ්නය වැනි ගැටලු පසුගිය රජයේ අවිධිමත් වැඩ පිළිවෙල නිසාවෙන් සිදු වු ගැටලු බවට චෝදනා කරන මන්ත්‍රීවරයා රාජපක්ෂ පාලන ඇති කල ගැටලු වලට මුහුණ දෙමින් ශක්තිමත්ව යහපාලනය ඉදිරියට යන බවයි අවධාරණය කරන්නේ.
Facebook Comments
