මෛත්‍රීපාල සිරිසේන ජනපති කරමින් යහපාලන රජය බිහි කිරීමට උර දුන් පුත්තලම දිස්ත්‍රික්කයේ ජනතාවට කෙරෙන කුඩම්මාගේ සැලකිලි නවතා දමන ලෙස පුත්තලම් දිස්ත්‍රික්ක යහපාලන සංසදය අගමැතිවරයාගෙන් සහ ජනාධිපතිවරයාගෙන් ඉල්ලා තිබේ.
මහින්ද රාජපක්ෂ පාලනය පෙරළා දැමීමට මෙන්ම සම්මුතිවාදය රජය බිහි කිරිම වෙනුවෙන් 2015 පාර්ලිමේන්තු මැතිවරණයේදී පුත්තලම් දිස්ත්‍රික්කයේ ජනතාව පෙනී සිටි බවට පෙන්වා දෙන එම සංසදය එහෙත් යහපාලන රජය පුත්තලම් දිස්ත්‍රික්කයට සැලකිය යුතු අවධානයක් යොමු කර නොමැති බවටයි චෝදනා කරන්නේ.
2015 පාර්ලිමේන්තු මැතිවරණයේදී ශ්‍රී ලංකා නිදහස් පක්ෂයෙන් මන්ත්‍රීවරු 03 සහ එක්සත් ජාතික පක්ෂයෙන් මන්ත්‍රීවරුන් 05 දෙනෙකු පාර්ලිමේන්තුවට තේරී පත් වු අතර ශ්‍රීලනිප මන්ත්‍රීවරුන් දෙදෙනෙකු ජනාධිපති මෛත්‍රීපාල සමඟ එක්ව සිටියද ඒකාබද්ධ විපක්ෂයට සහාය පල කරන ලදී.
පුත්තලම දිස්ත්‍රික්කයේ ශ්‍රීලනිප මන්ත්‍රීවරුන් ජනාධිපතිවරයා හැර යද්දීද් එක්සත් ජාතික පක්ෂයේ මන්ත්‍රීවරුන් යහපාලන ආරක්ෂා කරමින් ජනතාව සමඟ සිටි බවයි පුත්තලම් දිස්ත්‍රික්ක යහපාලන සංසදය සිය මාධ්‍ය නිවේදනයෙන් පෙන්වා දෙන්නේ.
ශ්‍රීලනිපයෙන් පුත්තලමට හිමි ව තිබු ඇමැති ධුරයන් නැවත දිස්ත්‍රික්කයට නොලැබුණ බවට චෝදනා කරන සංසදය එක්සත් ජාතික පක්ෂයට ද ලබා දී ඇත්තේ බලතල රහිත ඇමැති ධුර බවටයි චෝදනා කරන්නේ.
බහු අගාමික සහ බහු වාර්ගික ජන කොටස් ජිවත් වන පුත්තලම් දිස්ත්‍රික්කයේ ජනතාව තවමත් යහපාලන රජය කෙරෙහි විශ්වාස කරන බවට පවසන පුත්තලම් දිස්ත්‍රික්ක යහපාලන සංසදය ඉදිරි කැබිනට් සංශෝධනයක දී පුත්තලම් දිස්ත්‍රික්කයට යම් සාධාරණයක් වනු ඇති බවට වැඩි දුරටත් විශ්වාසය පල කර සිටි.
Facebook Comments
