පළාත් පාලන මැතිවරණයට පෙර රට තුළ දැවැන්ත දේශපාලන පෙරළියක් සිදුවන බව ශ්‍රීලනිප මධ්‍යම කාරක සභික ව්‍යවසාය සංවර්ධන රාජ්‍ය අමාත්‍යවරයා පවසයි.
දැනටමත් මෙරට ප්‍රධාන දේශපාලන ප්‍රවාහයට සම්බන්ධ ඉදිරි පෙළ අංශ සමඟ ශ්‍රීලනිපය අභ්‍යන්තර සාකච්ඡා පවත්වමින් සිටින බව මෙන්ම වෘත්තීය සමිති සහ බහුජන සංවිධාන ගණනාවක්ද තම පක්ෂය සමඟ ආරම්භ කර ඇති සාකච්ඡා සාර්ථක වී ඇති බවයි රාජ්‍ය අමාත්‍ය ලක්ෂ්මන් යාපා අබේවර්ධන පවසන්නේ.
විටින් විට මෙම දේශපාලන පෙරළියේ ආරම්භයන් දැකිය හැකි බවද අමාත්‍යවරයා අනාවරණය කර සිටියේ 26 අඟහරුවාදා ශ්‍රී ලංකා නිදහස් පක්ෂ මූලස්ථානයේ පැවැති මාධ්‍ය හමුවකදීය.
ඒ අනුව පළාත් පාලන මැතිවරණයට පෙර මෙම සියලුම පාර්ශ්වයන්ගේ එකඟතාවයෙන් රට තුළ නව දේශපාලන සංස්කෘතියක් සඳහා වන අඩිතාලම දමන බව ව්‍යවසාය සංවර්ධන රාජ්‍ය අමාත්‍ය ලක්ෂ්මන් යාපා අබේවර්ධන වැඩි දුරටත් පෙන්වා දුනි.
Facebook Comments
