අත අතට ගන්න බැසිල්ගෙන් මෙහෙයුමක්

0
2310
Ivory Agency Sri Lanka
HailHost
wedding people

ශ්‍රී ලංකා නිදහස් පක්ෂයේ බලය තමන් සතු කර ගැනීමට හිටපු අමාත්‍ය බැසිල් රාජපක්ෂ විසින් මෙහෙයුමක් දියත් කිරීමට සුදානම් වන බව පොහොට්ටු පක්ෂයේ ආරංචි මාර්ග පවසයි.

නව කැබිනට් මණ්ඩලය පත් කිරිමෙන් පසුව බැසිල් රාජපක්ෂ සිය මෙහෙයුම ක්‍රියාත්මක කිරීමට සුදානම් වන බව මෙන්ම මේ වන විට ඒ සඳහා සැලසුම් සකසමින් සිටින බවට නම සඳහන් නොකරන ලෙස ඉල්ලා මන්ත්‍රීවරයෙකු සිලෝන් නිවුස් හා කියා සිටියේය.

ශ්‍රී ලංකා නිදහස් පක්ෂයෙන් ඉවත් වු 16 දෙනාගේ කණ්ඩායමේ සහ තවදුරටත් පක්ෂයේ රැඳී සිටින ඔහුට හිතවත් කිහිප දෙනෙකුගේ සහාය ලබා ගැනීමට ද බැසිල් රාජපක්ෂ අපේක්ෂා කරන බවටයි ආරංචි මාර්ග පවසන්නේ.

මෙහි පලමු පියවර ලෙස පක්ෂයේ මහ ලේකම් දුමින්ද දිසානායක එම ධුරයෙන් ඉවත් කර ඔහු‍ට හිතවත් කෙනෙකු එම ධුරයට පත් කිරීමට සැලසුම් සකසමින් සිටින බව පැවසේ.

ඒකාබද්ධයේ දොර වැහෙයි

මේ අතර ආණ්ඩුවෙන් ඉවත් වු ශ්‍රීලනිප කණ්ඩායම ඒකාබද්ධ විපක්ෂය සමඟ පැවති සාකච්ඡා අසාර්ථක වී ඇති බව දේශපාලන ආරංචි මාර්ග පවසයි.

එම පිරිස ඒකාබද්ධ විපක්ෂයට එක්කාසු කර ගැනීමට ගෝඨාභය රාජපක්ෂට හිතවත් විමල් සහ දිනේෂ් ප්‍රමුඛ පිරිස විරුද්ධ වී ඇති මුත් බැසිල් රාජපක්ෂ කණ්ඩායම ඔවුන් එකතු කර ගත යුතු බවට යෝජනා කර තිබේ.

කෙසේ වෙතත් ශ්‍රීලනිපයෙන් ඉවත් වු කණ්ඩායමේ බහුතර බැසිල්ගේ නායකත්වය ප්‍රතික්ෂේප කරමින් හිටපු ජනපති මහින්ද රාජපක්ෂගේ ආරාධනය බලාපොරොත්තුවෙන් සිටින බවයි එම කණ්ඩායමේ අභ්‍යන්තර ආරංචි මාර්ග පවසන්නේ.

Facebook Comments

HailHost