පුද්ගලික ධනපති සමාජයේ ධනපති අයෝජකයන් හට සමානව සැලකීම වෙනුවෙන් සටන් වඳින බවත් ධනපති ප්‍රජාතන්ත්‍රවාදය ආරක්ෂා කිරීම වෙනුවෙන් පෙනී සිටන බවත් නව සම සමාජ පක්ෂයේ නායකයා පවසනවා.
පුද්ගලික වෛද්‍ය විද්‍යාල අවශ්‍ය ඇයි යන මතෘකාව යටතේ පසුගියදා පැවති සම්මන්ත්‍රණයට සහභාගීවීම පිළිබඳව සිලෝන් ජර්නල්ස් කළ විමසීමදී නව සම සමාජ පක්ෂ නායක ආචාර්ය වික්‍රමබාහු කරුණාරත්න මේ අදහස් පළ කළේය.
ප්‍රජාතන්ත්‍රවාදී අයිතිය සියලු දෙනාට තිබිය යුතු බවත් මේ රට තුළ දැන් පුද්ගලික අධ්‍යාපනය පවති බවත් කළමණාකාර සහ ඉංජිනේරු වැනි විෂයන් සඳහා පුද්ගලික අධ්‍යාපනය තිබියදී පුද්ගලික වෛද්‍ය විද්‍යාල මඟින් පමණක් නිදහස් අධ්‍යාපනයට බාධාවක් යැයි පැවසීම පුහු තර්කයක් බවයි ඔහු පෙන්වා දෙන්නේ.
අනෙක් අයෝජකයන්ට මෙන්ම පුද්ගලික වෛද්‍ය විද්‍යාලයන් හට අයෝජනය සිදු කරන්නන්ටද ඒ සඳහා සම අයිතියක් තිබිය යුතු බවත් එය කඩාකප්පල් කිරීමට විවිධ ගැටුම් ඇති කිරිම් ආදී ක්‍රීයා ප්‍රජාතන්ත්‍ර විරෝධී ක්‍රීය ලෙසට ඔහු අවධාරණය කර සිටියා.
එම ප්‍රජාතන්ත්‍ර විරෝධි ක්‍රීයාවන්ට විරුද්ධව ජනමතය ශක්තිමත් කිරිම සඳහා රැස්වීම් පවත්වන අතර එහි ප්‍රමුඛ කාර්ය්‍ය භාරයක් නව සම සමාජ පක්ෂෙයන් ඉටු කරුනු ලබන්නේ ප්‍රජාතන්ත්‍රවාදයෙන් තොර සමාජවාදි ගමන් නොමැති නිසා බවටයි ආචර්ය වික්‍රමබාහු පෙන්වා දෙන්නේ.
මෙරට වෛද්‍ය වෘත්තිය නියාමනය කිරීමට ඇති වෛද්‍ය සභාව මේ වන විට අනියම් ලෙස පුද්ගලික වෛද්‍ය විද්‍යාලය පවත්වා ගෙන යාමේ අයිතිය පිළිගෙන දී ඇති බව පවසන ආචාර්ය බාහු කියා සිටින්නේ වෛද්‍ය සභාව පුද්ගලික වෛදය විද්‍යාලයන්හි අඩුපාඩු පෙන්වා දී ඒවා ක්‍රීයාත්මක කිරිමට බල කළ යුත් බවත් අයෝජකයා විසින් එම නිර්දේශ නිසි ලෙස ක්‍රීයාත්මක කළ යුතු අතර එසේ නොමැති නම් එය වසා දමා දරුවන්ට වන්දි ගෙවන ලෙසද ඔහු බල කර සිටිනවා.
සැබෑ ශිෂ්‍ය සටනක් නොවේ
අසුව දශකයේ පුද්ගලික වෛද්‍ය විද්‍යාල සම්බන්ධ ප්‍රශ්නය මතු වු අවස්ථාවේදි පවා අන්තර් විශ්ව විද්‍යාල බල මණ්ඩලය ගත්තේ වැරදි තීරණයක් බවට චෝදනා නඟන නව සම සමාජ පක්ෂ නායකයා පවසන්නේ එකල ජවිපය විසින් ඒ තීන්දු ගත් බවත් මේ වන විට පෙරටුගාමීන් එම තීරණ ඉදිරියට ගෙන යන බවයි එම තීන්දු සැබෑ ශිෂ්‍ය තීන්දු නොව පක්ෂ මතවාදී තීන්දු බවට ඔහු චෝදනා කර සිටිනවා.
එකළ වෛද විද්‍යාල වලට එරෙහි වන අවස්ථාවේදී පවා තම පක්ෂය එම ස්ථාවරයට විරුද්ධව පෙනී සිටි බවත් අන්තරය එකළ පැවසු පරිදි සුදුසු කම් නොමැති සිසුන් සිටින එවැනි විශ්ව විද්‍යාල ජන සතු කිරීමට ගත් තීරණයට තමන් එරෙහි වු බවත් මාක්ස්වාදී ප්‍රතිපත්තීන්ට අනුව ජන සතු කළ යුත්තේ පුද්ගලික අංශය සතු ගුණාත්මක අයෝජන බවට ඔහු අවධාරණය කර සිටියා.
අන්තරය පවසන පරිදි සුදුසුකම් නොමැති සිසුන් එවැනි විශ්ව විද්‍යාල වල සිටිය හොත් ජනසතු කිරිම මඟින් සිදුවන්නේ ඔවුන්ට රජය අධ්‍යාපනයට නිතිය පටහැනිවම අවස්ථාව ලැබෙන බවත් එයින් රාජ්‍ය විශ්ව විද්‍යාල සිසුනට අසාධාරණයක් සිදු වන බැවින් එම තීරණයට තම පක්ෂය විරුද්ධ වු බව ආචාර්ය බාහු කියා සිටියා.
ආචාර්ය වික්‍රමබාහු ධනපති පන්ති නායකයෙක් වී ඇති බවට එල්ල වන චෝදනා සම්බන්ධවද සිලෝන් ජර්නල්ස් විමසු අතර එයට ඔහු ප්‍රකාශ කළේ දෙමළ ජනයාගේ අයිතීන් පවා ධනේශ්වර අයිතීන් බවයි, ස්වයං පාලනය හා ස්වයං නීරණය අයිතිය වෙනුවෙන් තමන් මුල සිටම සටන් කරන බවත් ඇතමුන් කියන පරිදි සමාජවාදය එනතුරු නොසිට එම අයීතීන් වෙනුවෙන් සටන් කිරීම ධනපතියෙක් වීමක්ද යන්න ඔහු ප්‍රශ්න කරනවා.
තමන් කිසිසේතම ධනපති කොටස්කාරයෙක් නොව බවත් තමන් පසුගිය කාළය පුරා ලිබරල් ධනපති නායකයන් හා එක්ව ෆැසිසට්වාදී නායකයන්ට එරෙහිව සටන් කළ අතර මේ ආණ්ඩුව පවා ප්‍රජාතන්ත්‍ර විරෝධි ක්‍රියා කළොත් එයට විරුද්ධව නැඟි සිටින බවත් ධනපති ප්‍රජාතන්ත්‍රවාදය ආරක්ෂා කරමින් සමාජවාදි විප්ලවය සිදු කරන මාක්වාදී ප්‍රතිපත්තිය ආරක්ෂා කරන බවට ආචාර්ය වික්‍රමබාහු අවධාරණය කර සිටියා.
Facebook Comments
