නඩු ප්‍රමාදය පුද්ගලයින්ට මෙන්ම එය රටේ සංවර්ධනයට ද විශාල බාධාවක් වී තිබෙන බවත් එය අවම කිරිමට අවශ්‍ය සෑම පියවරක්ම ගැනිමට කටයුතු කරන බවත් අධිකරණ අමාත්‍යවරයා පවසනවා.
අධිකරණ අමාත්‍යාංශය ,කොළඹ නීතිඥ සංගමය, නීති පදනම එක්ව සංවිධානය කළ තෙවන නීති ජාතික නීති සම්මන්ත්‍රණය පසුගියදා මහනුවර පැවති අතර එහිදී අමාත්‍යවරයා මේ බව සඳහන් කළේය.
ශ්‍රේෂ්ඨාධිකරණ විනිසුරු ප්‍රියසාද් ඩෙප් හා බුවනෙක අළුවිහාරේ යන මහත්වරුන්ගේ සභාපතිත්වයෙන් නඩු ප්‍රමාදය අවම කරන්න, සිවිල් නඩු විධි විධාන සංග්‍රහය හා අපරාධ නඩු විධාන සංග්‍රහය සංශෝධනය කිරිමට දැනටමත් කමිටු දෙකක් පත් කර ඇති බව ද අධිකරණ අමාත්‍ය විජයදාස රාජපක්ෂ මෙහිදී පෙන්වා දුන්නේය.
නීතිඥවරයෙක් තමන්ගේ දක්ෂතාව ඉදිරිපත් කරන්න පුළුවන් හොඳම අවස්ථාව සේවාදායකයා ඉදිරිපත් කරන නඩුව හැකි ඉක්මනින් අවසන් කිරීම බව පෙන්වා දුන් අමාත්‍යවරයා එය සේවාදායකයා අපේක්ෂා කරන ප්‍රධානම දෙයක් බවත් අවධාරණය කළේය.
නව නීතියක් ඉදිරිපත් කිරීමේදි එය සම්මත කර ගන්න කලින් නීතිඥවරුන්ගේ ඒ පිළිබඳව ප්‍රවිණයන්ගේ උපදෙස් අදහස් ලබා ගැනීමට කටයුතු කරන බවත් එසේ නොවුනහොත් දැඩි ව්‍යාකූල තත්ත්වයන් ඇති වන බවත් අමාත්‍යවරයා වැඩි දුරටත් පැවසීය.
Facebook Comments
