ජගත් ගෞරවය රැකගැනීමට ජනපති අසමත්: රාජිත

0

ලෝක නායකයන් වත්මන් ජනාධිපතිවරයාට ලබා දුන් ගෞරවය ආරක්ෂා කර ගැනීමට ඔහු අසමත් වු බවට සුව ඇමැතිවරයා චෝදනා කර තිබේ.

2015 වසරට පෙර ශ්‍රී ලංකාව පිළිබදව ලෝක නායකයන් දක්වන ලද ප්‍රතිචාරය වර්තමානය වන විට නැවති දැක ගත හැකිව ඇති බවයි අමාත්‍ය රාජිත සේනාරත්න පෙන්වා දෙන්නේ.

“වර්තමානයේ කසකස්ථානය, බලුකිස්තානය වැනි රටවල් වලින් තමයි ජනාධිපතිවරයාට ආරාධනා ලැබෙන්නේ. මහින්ද රාජපක්ෂ මහතාගේ කාලයේ දී ද ශ්‍රී ලංකාවට පැමිණියේ තුට්ටු දෙකේ නායකයන්. භාර්යාවන් 32 ක් ඉන්න රාජ්‍ය නායකයෙක් ද ලංකාවට පැමිණියා,” යැයි ඇමැතිවරයා හිටපු අමාත්‍ය දොස්තර ජයලත් ජයවර්ධනගේ 06 වන ගුණසමරු උත්සවය අමතමින් කියා සිටියේය.

හිටපු අමාත්‍ය දොස්තර ජයලත් ජයවර්ධන ප්‍රබුද්ධ දේශපාලනඥයෙක් බව කී සුව ඇමැති රාජිත සේනාරත්න ඔහු ජාතිය, ආගම, කුලය බලා ජනතාවට සේවය නෙකළ බවත් යුධ ගැටලු පැවැති කාලයේ දී උතුරේ ජනතාවටත් සේවය කරමින් සංහිදියාව ගොඩ නැගීමට යුග මෙහෙවරක් සිදු කළ බවද සඳහන් කළේය.

Facebook Comments

wedding people