මානව හිමිකම් කොමිසම නොතකා පොහොට්ටු ප්‍රදේශිය සභාපති මුස්ලිම් වෙළෙන්දන්ට තහංචි දමයි

0

ජාතිය හා ආගම පදනම්කොටගෙන ව්‍යාපරික කටයුතු වලට බාධා කිරීම ආණ්ඩුක්‍රම ව්‍යවස්ථාව උල්ලංඝනය කිරීමක් බවට මානව හිමිකම් කොමිසම අනතුරු අඟවා තිබිය දී පොහොට්ටු පක්ෂයේ පාලනය හිමි ප්‍රදේශීය සභාවක් මුස්ලිම් වෙළෙඳුන් හට තහංචි පනවා තිබේ.

පොහොට්ටු පක්ෂයේ බලය හිමි වෙන්නප්පුව ප්‍රාදේශීය සභාවේ සභාපති, වික්ටර් සුසන්ත පෙරේරා විසින් දංකොටුව පොලිස් ස්ථානාධිපතිවරයාට ලිඛිතව දැනුම් දී ඇත්තේ මුස්ලිම් වෙළෙඳ ප්‍රජාවට දංකොටුව සතිපොළ භූමියෙහි වෙළෙඳාම් කටයුතු තහනම් කරන ලෙසටයි.

“මේ වන විට දංකොටුව සතිපොළ භූමියට පැමිණෙන වෙළඳ ප්‍රජාව අතර මුස්ලිම් ප්‍රජාවද සිටින බැවින් ප්‍රදේශවාසින් හා ව‍ෙළඳ ප්‍රජාවගේ දැඩි විරෝධතාවය මා වෙත ප්‍රකාශ කර ඇති අතර එය පවත්නා සාමකාමී වාතාවරණයට බලපෑමක් සිදු කිරීමට ඉඩ ඇති බව මාගේ හැඟිමයි.” යනුවෙන් සුසන්ත පෙරේරා සභාපතිවරයාගේ අත්සනින් නිකුත් කර ඇති ලිපියේ දැක්වේ.

මුස්ලිම් ව්‍යාපාරිකයන්ට සිදු කර ඇති බාධා පිළිබඳව පළාත් පාලන ආයතන වෙත ලැබී ඇති පැමිණිලි සම්බන්ධයෙන් ගෙන ඇති ක්‍රියාමාර්ග මෙන්ම සියලු ප්‍රජාවන්ට අයත් පුරවැසියන්ට ඔවුන්ගේ වාණිජ කටයුතු වෙනස්කමකින් තොරව පවත්වාගෙන යාමට ඉඩ සලසා ඇතිද යන්න පිළිබඳව සෑහීමකට පත්වන්නේ ද යන්න ජූනි 12 දාට පෙර දැනුම් දෙන ලෙස ආචාර්ය දීපිකා උඩගම විසින් මැයි 30 දා දිවයිනේ සියලුම පළාත් පාලන කොමසාරිස්වරුන් වෙත යවා ඇති ලිපියකින් ඉල්ලා තිබුනි.

“මානව හිමිකම් කොමිසම් සභාවට ලැබී ඇති තොරතුරු අනුව ගමේ සති පොළේ කඩබක්කි වැනි පොදු ස්ථාන වලට ප්‍රවේශ වීම වලකා ඇත්තේ එම වාණිජමය කටයුතු පිළිබඳ නියමිත ලියාපදිංචිය හා අයවිය යුතු ගාස්තු අදාළ පළාත් සභා වලට ගෙවා ඇති පුද්ගලයන් සම්බන්ධයෙනි,” යි සභාපතිනි දීපිකා උඩගම විසින් යවා ඇති ලිපියේ සඳහන් වෙයි.

”වෙන්නපුවෙත් වර්ගවාදය; මහින්ද රාජපක්ෂ යටතේ තිබෙන වෙන්නප්පුව ප්‍රාදේශීය සභාව මගින් පාලනය වන සතිපොළ මුස්ලිම් වෙළදුන්ට තහනම් කර ඇත. ලැජ්ජයි !” යනුවෙන් මුස්ලිම් වෙළඳුන් හට දමා ඇති තහංචියට එරෙහි මුදල් අමාත්‍ය මංගල සමරවීර සිය ට්විටර් ගිණුමේ සටහනක් තබමින් විරෝධය පළ කර ඇත.

Facebook Comments

wedding people