අලුත් අවුරුද්දත් සමඟ ජනපති වැඩ අල්ලයි

0
Ivory Agency Sri Lanka
wedding people

රටේ ශක්තිමත් ඉදිරි ගමනක් සඳහා ප්‍රධානතම අවශ්‍යතාවයක් සේ සලකා කැබිනට් මන්ඩලය සංශෝධනය කරන බවත් අලුත් අවුරුදු උදාවත් සමඟ අඩුපාඩු ප්‍රමාද දෝෂ ඉවත් කර රට ඉදිරියට ගන්නා ශක්තිමත් වැඩපිළිවෙලකට තමන් අවතීරණය වන බව ජනාධිපතිවරයා අවධාරණය කර ඇත.

රජයට එල්ල වන ඇතැම් චෝදනා නිවැරදි කිරීමට කැබිනට් මණ්ඩලය සංශෝධනය කිරීම පමණක් ප්‍රමාණවත් නොවන බව පවසන ජනාධිපති මෛත්‍රීපාල සිරිසේන තවත් වැදගත් පියවර කිහිපයක්ම ගන්නා බවට පවසා ඇත්තේ මවිබිම සමඟ විශේෂ සාකාච්ඡාවකට එක්වෙමිනි.

තමා බලයට පත් කල ජනතාව සිය ප්‍රශ්න මේ ආණ්ඩුවෙන් විසඳනු ඇති බවට විශ්වාස කරන බවත් එම විශ්වාසය කඩවීමට නොදී අලුත් වැඩපිළිවෙලක් හරහා නව ගමනක් ආරම්භ කරන බවටද ජනාධිපතිවරයා එහිදි පවසා තිබේ.

ශ්‍රීලනිප ආණ්ඩුවක්

ශ්‍රී ලංකික ජනතාව පිරිසිදු දේශපාලනය පිපාසයෙන් පෙළෙන බව පෙන්වා දෙන ජනාධිපතිවරයා ශ්‍රී ලංකා නිදහස් පක්ෂයට තරුණ ජවය එක් කර ශ්‍රීලනිප ආණ්ඩුවක් උදෙසා සිය නායකත්වය දෙන බවද මෙම සාකච්ඡාවේදී හෙළි කර ඇත.

පසුගිය පාලනය විසින් රට තුළ ඇති කල ප්‍රශ්න මේ ආණ්ඩුවෙන් විසඳිය යුතු බව මෙන්ම එම ප්‍රශ්න ඉතාම අමිහිරි බවත් කසාය බීබී එම ප්‍රශ්න විසඳීමට ජනතා බලාපොරොත්තු ඉටු කරන සම්මුති ආණ්ඩුවක් ලෙස කැප වන බවද එම සාකච්ඡාවේදී සඳහන් කර තිබේ.

Facebook Comments