වසන්ත ඔබේසේකර ජීවන සිනමාවට සමුදෙයි

0

ප්‍රවීණ සිනමාවේදී වසන්ත ඔබේසේකර කොළඹ පෞද්ගලික රෝහලක දී අද (8) පෙරවරුවේ අභාවප්‍රාප්ත විය.

විශිෂ්ඨ චිත්‍රපට නිර්මාණකරනයේ සුවිශේෂී සිනමාකරුවෙකු වන වසන්ත ඔබේසේකර ලංකා චිත්‍රපට නිෂ්පාදනයේ සුප්‍රසිද්ධ පුද්ගලයෙක් වන අතර මිය යන විට ඔහු අසූවැනි වියේ පසු විය.

සුවිශේෂී සිනමාකරුවෙකු වන වසන්ත ඔබේසේකර 1958 දී විශ්ව විද්‍යාලයට ඇතුළු වී 1962 දී විශ්ව විද්‍යාලයෙන් පිටවුයේ ඉතිහාසයට ගෞරව උපාධියක්ද ලබාගනිමින් වන අතර ඉන් අනතුරුව ලේක් හවුස් ආයතනයෙන් සේවය ආරම්භ කළේය.

‘‘වෙස් ගත්තෝ’’ චිත්‍රපටයක් නිෂ්පාදනය කරමින් 1971 කලා ජීවිතයට එක් වූ වසන්ත ඔබේ සේකරයන් සිනමා කෘති රැසකට නිෂ්පාදනයෙන් සහ අධ්‍යක්ෂණයෙන් දායක වී තිබේ.

වල්මත්වුවෝ, දියමන්ති, පළඟැටියෝ, දඩයම, කඩපතක, ඡායා මාරුතය, දොරක මාරාව, තීර්ත්‍ර යාත්‍රා, සළෙළු වරම, අසනීවර්ෂා, සෙව්වන්දි, ආගන්තුකයා ඔහු විසින් අධ්‍යක්ෂණය කළ සිනමා කෘතිය.

අධ්‍යක්ෂණයට සහ තිර රචනයට ජනධිපති සම්මාන හතක් පමණ හිමි වු අතර  නිර්මාණ හතරක සරසවි සම්මාන හිමි විය.

Facebook Comments

wedding people