රට තුළ යුද්ධයක් ඇති වීමට හේතු පාදක වු ගැටලු වලට මෙතෙක් පිළිතුරු නොලැබී ඇති බව මෙන්ම යුද්ධය අවසන් වුවද සියලු දෙනාම එක් ජාතියක් ලෙස වැඩකටයුතු කිරීමේ හැකියාව තවම නිර්මාණය වී නැති බව පුත්තලම් දිස්ත්‍රික් සංවර්ධන කමිටු සභාපතිවරයා පෙන්වා දෙයි.
සංහිඳියාව ඇතිවීමේ ගැටලු තවමත් පවතින බව පෙන්වා දෙන පාර්ලිමේන්තු මන්ත්‍රී හෙක්ටර් අප්පුහාමි සැමට සමානව කටයුතු කළ හැකි ව්‍යවස්ථාවක් හරහා සංහිඳියාව ගොඩනැංවිය හැකි බවටයි විශ්වාසය පළ කරන්නේ.
ආගමික සංහිඳියාව, වාර්ගික සංහිඳියාව පමණක් නොව ප්‍රදේශිය සභාව,පලාත් සභාව සහ පාර්ලිමේන්තුව ශක්තිමත් කරමින් රට ඉදිරියට ගෙන යා හැකි නව ව්‍යවස්ථාවක් අනිවාර්යෙන්ම නිර්මාණය විය යුතු බවයි මන්ත්‍රීවරයා අවධාරණය කරන්නේ.
රටට ද්‍රෝහී මන්ත්‍රීවරුන්
සම්මුති ආණ්ඩුව පිහිටුවීමේදී ශ්‍රිලනිපයට ආරාධනා කරනු ලැබුවේ නව ව්‍යවස්ථාව ඇතුලු රටේ අනාගතය සඳහා කළ යුතු සියලු කාරණා ඉටු කර ගැනීමේ පරමාර්ථයෙන් බවයි හෙක්ටර් අප්පුහාමි මන්ත්‍රීවරයා පෙන්වා දෙන්නේ.
එහෙත් ඇතැම් ශ්‍රීලනිප මන්ත්‍රීවරුන් තම පටු පරමාර්ථ වෙනුවෙන් රට ගැන නොසිතා රටට ද්‍රෝහී වී ඇති බව කී මන්ත්‍රීවරයා ඉදිරියේදී මේ පිළිබඳව තේරුම් ගනිමින් වැඩකටයුතු කළ යුතු බවටයි වැඩිදුරටත් කියා සිටියේ.
Facebook Comments
