පසුගිය රාජපක්ෂ පාලන සමයේ සිදු කරන ලද මනුෂය ඝාතන, දුෂණ හා වංචා පිළිබද සියළු තොරතුරු තවත් මාස කිහිපයකින් රටට හෙළි කරන බවත් එම හෙළිදරවිවෙන් පසු එකාබද්ධ විපක්ෂයේ ආයු කාලය අවසන් වන බවටත් සෞඛ්‍ය, පෝෂණ හා දේශීය වෛද්‍ය අමාත්‍යවරයා කියා සිටී.
ලබන මැයි මස පළවනිදා ගෝල්ෆේස් පිටියට පැමිණීමෙන් පසු රාජ්‍ය ආයතන වටලන බවට ඒකාබද්ධ විපක්ෂයේ මන්ත්‍රිවරුන් කරන ප්‍රකාශ සම්බන්ධයෙන් අදහස් දැක් වූ සෞඛ්‍ය අමාත්‍යවරයා සදහන් කළේ ගාලු මුවදොර පිටිය ආසන්නයේ මාර්ග රැසක් ඇති බැවින් ඒවා වැටලීමට හැකියාවක් ඇති බව සහ ඒකාබද්ධ විපක්ෂය ප්‍රකාශ කරන අයුරින් ජනතාව එයට සහභාගි නොවනු ඇතැයි තමන් විශ්වාස පළ කරන බව ද සෞඛ්‍ය අමාත්‍ය රාජිත සේනාරත්න සදහන් කළේය.
සයිටම් ආයතනය සම්බන්ධයෙන් උසස් අධ්‍යාපන අමාත්‍යවරයා ඉදිරිපත් කළ යෝජනා 04 රජයේ යෝජනා බවත් ඊට ජනාධිපතිවරයාගේ අනුමැතිය හිමි වූ බව කී සෞඛ්‍ය අමාත්‍යවරයා උසස් අධ්‍යාපන අමාත්‍යාංශය සහ සෞඛ්‍ය අමාත්‍යාංශය ඒකාබද්ධව එම යෝජනා ක්‍රීයාත්මක කරන බව ප්‍රකාශ කර සිටියේ කැබැතිගොල්ලෑව මූලික රෝහලේ වකුගඩු රුධිර කාන්දුකරණ ඒකකය ඊයේ (08) පස්වරුවෙි විවෘත කිරීමේ උත්සවයේදීය.
Facebook Comments
