මරාගේ ක්‍රමය සහ මෛත්‍රීගේ ක්‍රමය පැහැදිලිව තේරුම් ගන්න – ජනපති

0

වත්මන් සම්මුතිවාදී ආණ්ඩුව මොනවද කළේ කියා ප‍්‍රශ්න කරන අය මේ රටේ තිබූ රාජපක්ෂ ක‍්‍රමයත් වත්මන් මෛත්‍රීගේ ක‍්‍රමයත් බොහෝ පැහැදිලිව තේරුම් ගතයුතු බව ජනාධිපතිවරයා පවසයි.

රටට අවශ්‍ය එම වෙනස කුමන අභියෝග හමුවේ වුවද ඉටුකරන බව ජනාධිපතිතුමා ප‍්‍රකාශ කළේ වරකාපොළ මූලික රෝහලේ නවීන උපකරණ සහිත අංග සම්පූර්ණ නව සය මහල් සායනික ගොඩනැගිල්ල ජනතා අයිතියට පවරාදීමේ උත්සවයට ඊයේ (16) පස්වරුවේ එක්වෙමිනි.

අද රටේ සියලු ක්ෂේත‍්‍රවල සිදුව තිබෙන වෙනස ඉතා පැහැදිලි බව ප‍්‍රකාශ කළ ජනාධිපතිතුමා රටේ ස්වාධීන අධිකරණ පද්ධතියක් මේ වන විට නිර්මාණය වී තිබෙන බව අවධාරණය කළේය.

තමාට හිමි විධායක බලතල පළමුවෙන්ම පාවිච්චි කරනු ලැබුවේ හිටපු අගවිනිසුරුවරයා ඉවත් කිරීමට බවයි ජනාධිපතිවරයා මෙහිදී පවසා සිටියේ.

හිටපු අගවිනිසුරු ගැන හෙළිදරව්ව

ජනාධිපතිවරයා බවට පත්ව පැය 24ක් ඉක්ම ගිය තැන 2015 ජනවාරි මස 10 වන දින රාත්‍රියේ එවක ශ්‍රේෂ්ඨාධිකරණයේ ඉහළම තනතුර දැරූ මොහාන් පීරිස් තමන් හමුවීමට පැමිණි බවත් අලුත් ආණ්ඩුවට අභිමත පරිදි අධිකරණය මෙහෙයවන්නට පොරොන්දු වු ආකාරයත් ජනාධිපතිවරයා හෙළිදරව් කළේය.

මීට කලින් නඩුවල තීන්දු ලැබෙන්නට ඇත්තේ කෙසේද යන්න පිළිබඳව තමන් ඒ මොහොතේ කල්පනා කොට බැලූ බව පැවසු ජනාපතිවරයා මොහු රටේ අධිකරණ පද්ධතියේ ඉහළ තනතුරේ සිටීමෙන් රටටත්, අධිකරණයේ ස්වාධීනත්වයටත් බරපතළ හානියක් බැව් ඒ මොහොතේ තේරුම්ගත් බැවින් ඔහු ඉවත් කිරීමට කටයුතු කළ බවයි කියා සිටියේ.

Facebook Comments