හිටපු රාජ්‍ය ඇමති පියංකර ජයරත්නට එරෙහිව ඇති පැමිණිළි සම්බන්ධයෙන් ලබන සතියේ ඔහුව පොලිස් මුල්‍ය අපරාධ විමර්ශන කොට්ඨාශයට (FCID) කැඳවා ප්‍රශ්න කිරීමට නියමිත බව පොලිස් ආරංචි මාර්ග පවසයි.
රාජ්‍ය මුදල් වාහන හා ඉන්ධන අවභාවිතය පිළිබඳව ඔහුට චෝදනා එල්ලවී ඇති අතර ඊට එරෙහි විමර්ශන කටයුතු යළි ආරම්භකර ඇත.
ඔහු රාජ්‍ය ඇමතිවරයා වශයෙන් සිටියදී ඔහුට තිබූ චෝදනා සම්බන්ධ විමර්ශන කටයුතු අඩාලවී තිබුණි.
හිටපු අමාත්‍ය පියංකර හා සම්බන්ධ දූෂණ චෝදනා බොහෝමයකට සිවිල් ගුවන්සේවා අධිකාරිය සෘජුවම සම්බන්ධව ඇති බැවින් ගුවන්සේවා අධිකාරියේ ජ්‍යෙෂ්ඨ නිලධාරියෙක් පසුගියදා මූල්‍ය අපරාධ පොලිස් කොට්ඨාසයට කැඳවා ප්‍රශ්න කර ඇති බවද වාර්තා වේ.
පසුගිය ජනවාරි 11දා පොලිස් මූල්‍ය අපරාධ කොට්ඨාසයේ නිලධාරීන් ගුවන්සේවා අධිකාරියට පැමිණ ඊට අදාළ ලිපිගොනුද රැගෙන ගොස් ඇති බවද වැඩිදුරටත් පැවසේ.
(මුලාශ්‍ර – ලංකාදීප)
Facebook Comments
