සංහිඳියාව ගොඩනගන්නේ මතු පරපුර වෙනුවෙන් – ජනපති

0

ජාතික සංහිඳියාව සහ සාමය ගොඩනැගීමේ රජයේ වැඩපිළිවෙළ ක්‍රීයාත්මක වන්නේ පටු දේශපාලන උවමනාවන් මත කටයුතු කරන අවස්ථාවාදී පිරිස් වෙනුවෙන් නොව හෙට උපදින මතු පරපුර වෙනුවෙන් බව ජනාධිපති මෛත්‍රීපාල සිරිසේන පැවසීය.

වෛරය, ක්‍රෝධය, ද්වේශය පමණක් සීමා වූ පෞද්ගලික න්‍යාය පත්‍ර අනුව ක්‍රියාත්මක වන ඇතැම් පිරිස් බලය ඉලක්ක කරගනිමින් සංහිඳියාවට එරෙහිව කටයුතු කරන බව ජනාධිපතිවරයා පවසා සිටියේ ජාතික සමගිය හා සංහිඳියාව පිළිබද කාර්යංශය මගින් පැවැත්වූ නායකත්ව පුහුණු වැඩමුළුවේ සමාප්ති උළෙල අමතමින්ය.

යහපත් දේ ඉටු කිරීමට කැප වන සියලු දෙනාට අභියෝග වලට මුහුණ දීමට සිදුවන බව පෙන්වාදුන් ජනාධිපතිවරයා ස්ථිරසාර සාමයක් ගොඩනගා දෙමින් යළි යුද්ධයක් ඇති නොවන රටක් ගොඩනැංවීම තම අපේක්ෂාව බවයි අවධාරණය කර සිටියේ.

සමගිය සංහිඳියාව ඇති කිරිම සඳහා දරුවන් එහිදී ඉදිරිපත් කළ අංග ජනාධිපතිවරයා විශේෂ ඇගයීමට ලක්කල අතර ‘‘මට තිබෙන කණගාටුව මේ දරුවන්ට තේරෙන දේ මේ රටේ මහ මිනිසුන්ට නොතේරෙන එක ගැනයි‘‘ යැයි කියා පැවසීය.

ජාතික සංහිඳියා වැඩපිළිවෙළ ආපසු හැරවීමට අවස්ථාවාදී පිරිස් ගෙන යන උත්සහයන් පිළිබද සියලූදෙනා අවබෝධයෙන් කටයුතු කළ යුතු බව පෙන්වා දෙන ජනාධිපතිවරයා අවධාරණය කරන්නනේ සංහිඳියා වැඩපිළිවෙළ ආපසු හැරවීමට ඉඩ නොතබව බවයි.

Facebook Comments

wedding people