‘එන්ටර්ප‍්‍රයිස් ශ්‍රී ලංකා’ වැඩසටහනට කැබිනට් අනුමැතිය

0

මුදල් හා ජනමාධ්‍ය අමාත්‍ය මංගල සමරවීරගේ 2017 සහ 2018 අයවැය යෝජනා අනුව රජයේ සහ පෞද්ගලික බැංකු විදේශිය මුල්‍ය සහයෝගිතා ආයතන සහ අනෙකුත් සහභාගිත්ව ආයතන සමඟ ඒකාබද්ධව ක්‍රීයාත්මක කිරීමට යෝජනා කර ඇති ‘එන්ටර්ප‍්‍රයිස් ශ්‍රී ලංකා’ වැඩසටහනට කැබිනට් මණ්ඩලයේ අනුමැතිය ලැබී තිබේ.

‘එන්ටර්ප‍්‍රයිස් ශ්‍රී ලංකා’ පොලී සහනාධාර ණය වැඩසටහන ක්‍රියාත්මක කිරීම සහ ප‍්‍රවර්ධනය කිරීමට 05 අඟහරුවාදා කැබිනට් මණ්ඩලය සිය අනුමැතිය ලබා දී ඇත.

ශ්‍රී ලාංකිකයන් සතුව පැවති සහජ නිපුණතා ප‍්‍රයෝජනයට ගනිමින් ව්‍යාවසාය පාරාදිසයක් ලෙස ශ්‍රී ලංකාව ගොඩනැංවිම මෙම වැඩසටහනෙන් අපේක්ෂා කරන බව මංගල සමරවීර ඇමැතිවරයා මෙම යෝජනාව හඳුන්වා දෙමින් කියා තිබුණි.

මෙම වැඩසටහන යටතේ පොලී සහනාධාර ණය යෝජනා ක‍්‍රම 11ක් ප‍්‍රතිමුල්‍ය ණය යෝජනා ක‍්‍රම 03ක, මුල්‍ය සහ මුල්‍ය නොවන පහසුකම් සලසන යෝජනා ක‍්‍රම 02ක් ඇතුළත්ව යෝජනා ක‍්‍රම 16ක් යටතේ සහන සලසනු ලැබෙන අතර මේ වන විට 12,405ක් පමණ වන ව්‍යාවසායකයන්ට රු.බිලියන 30කට අධික අරමුදල් සපයා ඇති බව මුදල් අමාත්‍යංශය පවසයි.

2018 වර්ෂය සඳහා මේ යටතේ ක්‍රියාත්මක වන ණය යෝජනා ක්‍රම වෙනුවෙන් පොළී සහනාධාර ගෙවීම සඳහා පමණක් රජය විසින් රුපියල් මිලියන 5,250ක් වෙන් කර තිබෙන අතර, එමඟින් ආර්ථිකය තුළ රුපියල් මිලියන 60,000කට ආසන්න ප්‍රාග්ධන සම්පාදනයක් ඇති කිරීම මෙන් ම එතුළින් නව රැකියා 50,000ක් බිහි කිරීමට රජය අපේක්ෂා කරනු ලබයි.

ව්‍යවසායකයින්ට තම නිෂ්පාදන ජාත්‍යන්තර තලය දක්වා ව්‍යාප්ත කිරීම සඳහා අවශ්‍ය මඟ පෙන්වීමේ අපේක්ෂාවෙන් ජාතික ප්‍රවර්ධන වැඩසටහනක් වශයෙන්, රජයේ අනෙකුත් සංවර්ධන වැඩසටහන් ද සමඟ ඒකාබද්ධව සෑම පළාතක්ම ආවරණය වන පදි මාස 03කට වරක් ජාතික මට්ටමේ ප්‍රදර්ශනයක් ”2025 දැක්ම” තේමාව යටතේ පැවැත්වීමට ද අපේක්ෂා කරන බව රජයේ නිල වෙබ් අඩවිය පවසයි.

Facebook Comments

wedding people