හදිසි නීතිය ක්‍රියාත්මක වන මෙම වකවානුවේදී මුස්ලිම්වරුන් බරපතල ලෙස අඩන්තේට්ටම් වලට මුහුණ පාන්නට සිදුවී තිබෙන බව ශ්‍රී ලංකා මානව හිමිකම් කොමිසම පෙන්වා දෙයි.
පාස්කු බෝම්බ ප්‍රහාරයෙන් පසු මුස්ලිම් ජනතාවට ගොදුරු වී සිටින පීඩා සම්බන්ධයෙන් මන්නාරමේ පැවති ඉහළ මට්ටමේ සාකච්ඡාවක දී මේ බව අනාවරණය වී තිබේ.
මානව හිමිකම් උල්ලංඝනය වීම් වළක්වාගන්නේ කෙසේද යන්නත්, මානව හිමිකම් ක්‍රියාධාරීන් ඊට එරෙහිව මැදිහත් වන්නේ කෙසේද යන්නත් විමසුමට ලක් කෙරුනු එම සභාවට පොලිසිය හා ත්‍රිවිධ හමුදාව ඇතුළු රජයේ ප්‍රාදේශීය බලධාරීන් සහ සිවිල් සමාජ ක්‍රියාධාරීන් සහභාගී වී සිටියහ.
පළාතේ මුස්ලිම් ප්‍රජාවේ සාමාජිකයන් බරපතල වෙනස්කම් පෑම් වලට ලක් වන බව හෙළිවී ඇතැයි මන්නාරමේ දී මාධ්‍යවේදීන් හමුවේ ප්‍රකාශ කළ මානව හිමිකම් කොමසාරිස් අම්බිකා සත්කුනනාදන්, මුස්ලිම් කාන්තාවන්ට සිය සම්ප්‍රදායික ඇඳුමින් සැරසී ප්‍රසිද්ධියේ කටයුතු කිරීමට බාධා පැමිණෙන බව කියා සිටියාය.
Facebook Comments
