ඒකාබද්ධ විපක්ෂයෙන් ඉවත් වන බවට විමල් ප්‍රසිද්ධියේම කියයි

0

විධායක ජනාධිපති ධුරය අහෝසි කිරීමට යෝජිත 20 වන ව්‍යවස්ථා සංශෝධනයට ඒකාබද්ධ විපක්ෂය සහාය දීමට තීරණය කලහොත් ඉන් ඉවත් වන බවට ජාතික නිදහස් පෙරමුණු නායකයා අවධාරණය කර තිබේ.

ඒකාබද්ධ විපක්ෂය මේ වන විටත් 20 වන සංශෝධනය විරුද්ධ වීමට තීරණය කර ඇති බවයි විමල් වීරවංශ මොරටුවේදී පැවති ජන හමුවක දී කියා සිටියේය.

“කවුරු හරි අපේ කඳවුරුත් බිලී බාවගෙන එහෙම කර ගන්න හදනවා නම් අන්න එදාට අපි අපේ කඳවුරටත් අයුබෝවන් කියන්න ලෑස්තියි.” හෙතෙම පැවසීය.

මහින්ද රාජපක්ෂ විපක්ෂ නායක ධරයට පත්වන විටත් විරෝධය පෑ ජනතා විමුක්ති පෙරමුණ 20 වන සංශෝධනය ගැන විපක්ෂ නායක සමඟ සාකච්ඡා කිරීමට සුදානම් බවට කරන ලද ප්‍රකාශයට ද විමල් වීරවංශ මන්ත්‍රීවරයා සිය විරෝධය පළ කළේය.

කෙසේ වුවත් විමල් වීරවංශගේ විරෝධය නොතකා විපක්ෂ නායක මහින්ද රාජපක්ෂ ජනතා විමුක්ති පෙරමුණ සමඟ සාකච්ඡා කිරීමට කැමැත්ත පළ කර ඇති අතර එම හමුව එලැඹෙන මාර්තු 06 විපක්ෂ නායක කාර්යාලයේ පැවැත්වීමට නියමිත බවටයි වාර්තා වන්නේ.

ජවිපෙ නායක පාර්ලිමේන්තු මන්ත්‍රී අනුර කුමාර දිසානායක, විජිත හේරත් , කේ. ඩී. ලාල් කාන්ත , සුනිල් හදුන්නෙත්ති, නලින්ද ජයතිස්ස සම්බන්ධ වන බවයි දේශපාලන ආරංචි මාර්ග පවසන්නේ.

විපක්ෂ නායක මහින්ද රාජපක්ෂ ද විධායක ජනාධිපති ධුරය අහෝසි කිරීමට ප්‍රසිද්ධියේ සිය කැමැත්ත ප්‍රකාශ කර ඇත.

Facebook Comments

wedding people