මත්ද්‍රව්‍ය වලට එරෙහිව සටන් වඳින බව පවසමින් ජනාධිපතිවරයා ව්‍යාජ දේශපාලන රංගනය නිරත වන බවට ජනතා විමුක්ති පෙරමුණ චෝදනා කරයි.
ලංකාවට මත්කුඩු ගෙන්වන ප්‍රධාන ජාවාරම්කරුවන් ජනාධිපතිවරයා සමීපයේ සිටින බවට චෝදනා කරන එම පෙරමුණේ ප්‍රධාන ටිල්වින් සිල්වා මතට එරෙහි සටන පටන් ගත යුත්තේ ඔවුන්ගෙන් බව කියා සිටියේය.
මත්ද්‍රව්‍ය ජාවාරම්කරුවන්ට මරණ දඬුවම ලබා දීමෙන් එය නවතා දැමිය නොහැකි බවද ටිල්වින් සිල්වා 01 සිකුරාදා අම්බලන්තොට පැවති ජන හමුවකදී සඳහන් කළේය.
“අපි කියනවා එල්ලලා මේක බේරන්න බැහැ. අපරාධකාරයෝ එල්ලලා අපරාධ වලක්වන්න පුලුවන්ද. හැබැයි මොකක් වුනත් එල්ලනවා කියලා කියනවානේ කෝ එල්ලපු හාදයෙක් ඉන්නවද?” යැයි ප්‍රධාන ලේකම් ප්‍රශ්න කර සිටී.
ජනාධිපති මෛත්‍රීපාල සිරිසේන කරමින් සිටින්නේ ජනතාවගේ ඒ මොහොතේ ඇති කැමැත්තට ආමන්ත්‍රණය කරමින් බොරු රංගනය නිරත වීම පමණක් බවට ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා වැඩි දුරටත් චෝදනා කළේය.
Facebook Comments
