ලන්ඩනයේදී දෙමළ විරෝධතාකරුවන්ට බෙලි කපන සංඥාවක් දක්වා මරණ තර්ජනය කිරීම ශ්‍රී ලංකාවේ බ්‍රිතාන්‍ය මහ කොමසාරිස් කාර්යාලයේ හිටපු ආරක්ෂක උපදේශකයාගේ රාජකාරියට අයත් වගකීමක් නොවන බව එරට අධිකරණයක් විසින් තීන්දු කරන ලදී.
එබැවින් මරණ තර්ජන කිරීම සම්බන්ධයෙන් වරදකරු බවට පත් කරනු ලැබූ බ්‍රිගේඩියර් ප්‍රියංක ප්‍රනාන්දුට රාජ්‍යතාන්ත්‍රික මුක්තියක් හිමි නොවන බව එමා ආර්බත්නොට් වෙස්ට්මිනිස්ටර් ප්‍රධාන මහේස්ත්‍රාත්වරිය අධිකරණය හමුවේ දැනුම් දුන්නාය.
බ්‍රිතාන්‍යයේශ්‍රී ලංකා මහකොමසාරිස් කාර්යාලයේ හිටපු අමාත්‍ය උපදේශක ආඬිගේ ප්‍රියංක ප්‍රනාන්දු ශ්‍රී ලංකාවේ හැත්තෑ වැනි නිදහස් සමරුව දා ලන්ඩනයේ විරෝධතා පෑ දෙමළ උද්ඝෝෂකයන්ට බෙල්ල කපන සංඥාව දක්වන අවස්ථාවේ රාජ්‍ය තාන්ත්‍රික මුක්තියක් භුක්ති විඳි බව බ්‍රිතාන්‍ය රජය අධිකරණයට දැනුම් දී තිබුනි.
Facebook Comments
