ජාතිවාදි සමාජ ඡාලා ක්‍රියාත්මක වන්නේ එකම තැනකින් – රාජිත සේනාරත්න

0

රජය විසින් රට පුරාම සමාජ ඡාලා වෙබ් අඩවි භාවිතය අවහිර කර තිබිය දී ජාතිවාදය හා ආගම්වාදය වපුරන වෙබ් අඩවි ක්‍රියාත්මක වන්නේ එකම ස්ථානය සිට බව රජයේ සම කැබිනට් ප්‍රකාශවරයා පවසයි.

එම ස්ථානයේ සිට ජාතින් අතර බේද ඇති කරන ෆේස් බුක් ගිණුම් 80 ක් පමණ ක්‍රියාත්මක වෙමින් ඇති බව මෙන්ම ඒ පිළිබඳව මේ වන විට අනාවරණය වී ඇති සෞඛ්‍ය හා දේශිය වෛද්‍ය අමාත්‍ය රාජිත සේනාරත්න 10 සෙනසුරාදා පයාගල පැවති උත්සවයක දී කියා සිටියේය.

ජාතිවාදි සමාජ ඡාලා ගිණුම් ක්‍රියාත්මක කරන ප්‍රධානියා හඳුනා ගෙන ඇති බව පවසන සම කැබිනට් ප්‍රකාශකවරයා මහනුවර මුස්ලිම් විරෝධි ප්‍රහාර දියත් කිරීමට එක්තරා දේශපාලන පක්ෂය නියෝජිතයන් සම්බන්ධ බව සඳහන් කළේය.

“සමාජ ජාලා වෙබ් අඩවි වලින් ජාතිවාදය පැතිරවූවන් තිදෙනෙකු අත්අඩංගුවට ගෙන තිබෙනවා. ඔවුන්ගේ කට උත්තරවලින් මෙහි ප්‍රධානීන් සොයා ගන්න පුලුවන්. දිගන, තෙල්දෙනිය, මැණික්හින්න යන ප්‍රදේශවල සිදු වූ සිද්ධීන් වලට එක්තරා දේශපාලන පක්ෂයක නියෝජිතයින් සම්බන්ධ බවට ද තොරතුරු ලැබී තිබෙනවා. ඇතැම් ප්‍රචණ්ඩකාරීන්ට මත්පැන් ලබා දී ප්‍රවාහනය කර ඇති ආකාරය මේ වන විට හෙළිව තිබෙනවා.”

ජාතික සමගිය වනසන්නන් හට දැඩි දඬුවම් දිය යුතු බව අවධාරණය කල ඇමැති රාජිත සේනාරත්න මුස්ලිම් විරෝධි පුහාරයන්ට ලක් වු ජනතාවට වන්දි ගෙවීඹට සිදු වන්නේ ද රටේ ජනතාවගේ බදු මුදලින් බැවින් එහි පාඩුව ද රටේ ජනතාවට බව වැඩි දුරටත් කියා සිටියේය.

Facebook Comments

wedding people