රක්ෂිත බන්ධනාගාර ගත තර සිටින පෙරටුගාමී පක්ෂයේ නායක කුමාර් ගුණරත්නම්ගේ දඬුවම් කාළය අවසන්වීමෙන් අනතුරුව පිටුවහල් නොකර පුරවැසිභාවය ලබා දිය හැකි බවට රජය පවසනවා.
කුමාර් ගුණරත්නම්ගේ සිර දඩුවම් කාලය දෙසැම්බර් මස 9 වැනිදා අවසන්වීමෙන් පසු ඔහු පිටුවහල් කරන්නේ දැයි දිනේෂ් ගුණවර්ධන පාර්ලිමේන්තුවේ දී ඇසු ප්‍රශ්නයකට පිළිතුරු දෙමින් අභ්‍යන්තර කටයුතු, වයඹ සංවර්ධන හා සංස්කෘතිය කටයුතු අමාත්‍ය එස්.බී නාවින්න මේ බව පැවසීය.
ගුණරත්නම්ගේ දෙමාව්පියන් ලංකාවෙහි පුරවැසියන් බැවින් පුරවැසිභාවය ඉල්ලා ඉල්ලීමක් කළහොත් එය ලබා දීමට හැකි බවත් ද්විත්ව පුරවැසිභාවය වුවද ලබා දිය හැකි බවට ඇමතිවරයා සහතික විය.
ආගමන විගමන නීති උල්ලංඝණය කරමින් මෙරට රැඳී සිටීමේ චෝදනා මත 2015 නොවැම්බර් මස 04 වනදා කෑගල්ල, අඟුරුවැල්ල ප්‍රදේශයේ දී පොලිසිය විසින් කුමාර් ගුණරත්නම් අත්අඩංගුවට ගනු ලැබු අතර පසුව කෑගල්ල මහේස්ත්‍රාත් වරයා විසින් ඔහුට වසරක සිරදඬුවමක් හා රුපියල් 50,000ක දඩයක් නියම කර තිබුණි.
කුමාර් ගුණරත්නම් හට පුරවැසිභාවය ලබා දෙ ලෙස ඉල්ලමින් පෙරටුගාමී පක්ෂය විසින් ඔහු අත්අඩංගුවට ගත් දින සිට අඛණ්ඩ විරෝධතාවක නිරත වේ.
Facebook Comments
