ජාත්‍යන්තර සමුලුවකට සහභාගි වීමට හොංකොං ගොස් සිටින ශ්‍රී ලංකාවේ අගමැතිවරයා BBC සමග සම්මුඛ සාකච්ඡාවක් ඉල්ලා සිටි අවසාන මොහොතේ ඉන් මගහැර ගිය බව එහි මාධ්‍යවේදියකු හෙලිදරව් කරයි.
BBC සංදේශය නිවේදකයකු වන සරෝජ් පතිරණ තම ටුවිටර් ගිණුමේ සඳහන් කර ඇත්තේ වෙළෙඳ ප්‍රචාරක සමාගමක් යොදවා ගෙන අගමැති රනිල් වික්‍රමසිංහ අදාල සම්මුඛ සාකච්ඡාව ඉල්ලා සිටි බවයි.
“ශ්‍රී ලංකා ජනාධිපති රනිල් වික්‍රමසිංහ ප්‍රචාරක සමාගමක් මගින් හොංකොං සිට BBC වෙතින් සම්මුඛ සාකච්ඡාවක් ඉල්ලා අන්තිම විනාඩියේ පසුබසී. ඇයි?” යනුවෙන් සරෝජ් පතිරණ ලියා තිබේ.
හොංකොං සමුලුව
“දි ඉකොනොමිස්ට්” (The Economist) ජාත්‍යන්තර සඟරාව විසින් සංවිධානය කරන “2017 ලෝකය” (The world in 2017) සමුළුවට සහභාගිවීම සඳහා අග්‍රාමාත්‍ය වරයා අද (01දා) හොංකොං නුවර බලා පිටත්ව ගියේය.
මේ සමුළුවේ මුඛ්‍ය සාකච්ඡාවට සහභාගි වන්නේ අග්‍රාමාත්‍ය රනිල් වික්‍රමසිංහ මහතා බව අග්‍රාමාත්‍ය කාර්යාලය පවසයි.
මේ සමුළුව සඳහා ලෝකයේ පළමු පෙළේ අර්ථශාස්ත්‍රඥයන්, විද්වතුන්, ව්‍යවසායකයන් සහ මාධ්‍යවේදීන් සහභාගි වනු ඇත.
මහාචාර්ය මෛත්‍රී වික්‍රමසිංහ, චීනයේ ශ්‍රී ලංකා තානාපති ආචාර්ය කරුණාසේන කොඩිතුවක්කු, අග්‍රාමාත්‍ය අතිරේක ලේකම් සමන් අතාවුදහෙට්ටි සහ අග්‍රාමාත්‍ය විශේෂ සහායිකා සැන්ඩ්‍රා පෙරේරා මේ සංචාරයට එක්ව සිටිති.
Facebook Comments
