ඇවන්ට්ගාඩ් සිද්ධියට සම්බන්ධව හිටපු ආරක්ෂක ලේකම් ගෝඨාභය රාජපක්ෂ ඇතුළු 7 දෙනෙකු වෙත පනවා තිබු විදෙස් ගමන් තහනම කොන්දේසි සහිතව ඉවත්කිරීමට කොළඹ මහේස්ත්‍රාත් අධිකරණය අද (1) අවසර ලබා දුන් අතර නඩුව අවසනයේ මාධ්‍යට අදහස් දක්වමින් ගෝඨභය රාජපක්ෂ පවසා සිටියේ වත්මන් රජයේ විදෙස් ඇමතිවරයා තමන් සම්බන්ධව බොරු ප්‍රචාරය කරන බවයි.
විදෙස් අමාත්‍ය මංගල සමරවීර බොරු ප්‍රචාරය කරමින් බොරුවෙන්ම ජිවත් වන බවත් යුද්ධය අවසන් කළ නිසා ඔහු තමන් සමඟ එදා සිටම වෛරයෙන් සිටි බවට ගෝඨභය රාජපක්ෂ පවසනවා.
අයවැය කතාවේදී විදෙස් ඇමතිවරයා විදෙස් ගිණුම් වල තමන්ගේ මුදල් ඇති බවට චෝදනා කල බව පැවසු හිටපු ලේකම්වරයා චෝදනා කර සිටියේ විදෙස් ඇමතිවරයා පහත් දේශපාලනයක නිරත වන බවටයි.
ලංකා ඉතිහාසයේ හිටපු දුර්වලතම විදෙස් ඇමතිවරයා මංගල සමරවීර බවයි ගෝඨභය රාජපක්ෂ චෝදනා කර සිටියේ.
රණවිරුවන් දංගෙඩිය යෑවීමට සමරවීර ඇමතිවරයා උත්සාහ කල බවත් ට්‍රම්ප් ජනපති වු නිසා එය අසාර්ථක වු බවත් “අපේ ජනාධිපතිතුමත් කියල තියෙනවනෙ කෙළින්ම ට්‍රම්ප්ට කියල මේක විසඳනව කියල” යනුවෙන් ඔහු පැවසීය.
කොළඹ ප්‍රධාන මහේස්ත්‍රාත් ගිහාන් පිලපිටිය හමුවේ මෙම නඩුව අද විභාග වු අතර ගිහාන් පිලපිටිය විනිසුරුවරයා ස්ථාන මාරුවක් ලබා ඇති බැවින් ලබන නඩුවරයේ සිටි මෙම නඩුව විභාග කිරීමට රජයේ නිතිඥවරයා කල ඉල්ලීමට විත්ති පාර්ශවයද එකඟ විය.
මෙම නඩුව නව විනිසුරුවරයා හමුවේ ලබන වසරේ පෙබරවාරි 13 විභාගයට ගැනීමට දින නියම කෙරුණි.
ගාල්ල වරාය පාවෙන අවි ගබඩාවක් නීති විරෝධී පිහිටුවීම හරහා රජයේ රුපියල් බිලියන 11.4 ක අලාභයක් සිදු කිරීම වෙනුවෙන් අල්ලස් හෝ දූෂණ චෝදනා විමර්ශනය කිරීමේ කොමිෂන් සභාව අදාල චෝදනාවට ආරක්ෂක ලේකම් ගෝඨාභය රාජපක්ෂ, ආරක්ෂක අමාත්‍යංශයේ හිටපු අතිරේක ලේකම් දමයන්ති ජයරත්න,මේජර් ජෙනරාල් පාලිත ප්රනාන්දු,මේජර් ජෙනරාල් K.B. එගොඩවෙල, හිටපු නාවික හමුදාපතිවරු වන අද්මිරාල් සෝමතිලක දිසානායක ,අද්මිරාල් ජයනාත් කොළඹගේ, රියර් අද්මිරාල් ජයන්ත පෙරේරා, ඇවන්ට් ගාඩ් සභාපති විශ්‍රාමික මේජර් නිශ්ශංක සේනාධිපති වෙත චෝදනා එල්ලවී තිබුණි.
Facebook Comments
