වත්මන් රජයේ අධිකරණ ඇමතිවරයා යහපාලන සඳහා යන ගමනට බාධාවක්දැයි ප්‍රසිද්ධියේ කිව නොහැකි බවත් එය තමාගෙන් පුද්ගලික ඇසුව හොත් පිළිතුරු දීමට හැකි යැයි කැබිනට් ප්‍රකාශකවරයා පැවසීය.
අද (30) පැවති කැබිනට් තීරණ දැනුම් දීමේ මාධ්‍ය හමුවේදී අධිකරණ ඇමතිවරයා සම්බන්ධව මාධ්‍යවේදීන් නැඟු ප්‍රශ්නයකට පිළිතුරු දෙමින් කැබිනට් ප්‍රකාශක ආමාත්‍ය රාජිත සේනාරත්න මේ බව කියා සිටියේය.
ඇවන්ටිගාඩි සභාපති හා ගෝඨභය රාජපක්ෂ අත්අඩංගුවට ගැනීම වැළැක්වීම මෙන්ම ඊ නිවුස්ට එරෙහි ජාත්‍යන්තර වරෙන්තුව ගැනීමේදී අධිකරණ ඇමති විජයදාස රාජපක්ෂ ජයගත්තද අවසන් ජයග්‍රාහණය තමන්ගේ බවට රාජිත අමාත්‍යවරයා විශ්වාසය පළ කළේය.
විජයදාස රාජපක්ෂ ඇමතිවරයා සම්බන්ධව මාධ්‍යවේදින් දිගටම කැබිනට් ප්‍රකාශකවරයාගෙන් ප්‍රශ්න කල අතර ඔහු සිනාසී “පුදුමාකාර ප්‍රශ්නනෙ මේ අහන්නේ මගෙන්” යනුවෙන් පිළිතුරු දුනි.
ජනතාවට වු පොරොන්දු ඉෂ්ඨ කරමින් සියලු හොරුන් හා තක්කඩියන් අධිකරණයට ගෙනැවිත් දඬුවම් දීම මේ සියල්ලෙහි අවසන් ජයග්‍රාහණය බව රාජිත සේනාරත්න ඇමතිවරයා අවධාරණය කළේය.
Facebook Comments
