පුද්ගලයන් පැහැරගෙන ගොස් අතුරුදහන් කිරිමේ නඩුවක ප්‍රධාන චුදිත නාවික හමුදා සෙන්පතියකු ජනාධිපතිවරයා විසින් නිලයෙන් උසස් කර තිබේ.
කොළඹ හා තදාසන්න ප්‍රදේශ වලින් පුද්ගලයින් 11 දෙනකු පැහැර ගැනීමේ චෝදනා ලබා අධිකරණයෙන් ඇප ලබා සිටින නාවික බුද්ධි අංශයේ හිටපු ප්‍රධානියා වූ කොමදෝරු ඩී.කේ.පී. දසනායක හට මෙසේ උසස් වීමක් ලබා දී ඇත.
කොමදෝරු ඩී.කේ.පී. දසනායක රියර් අද්මිරල් ධුරයට උසස් අදාළ නිර්දේශ ජනාධිපති මෛත්‍රීපාල සිරිසේන විසින් නාවික හමුදා මූලස්ථානය වෙත යොමුකර තිබේ.
ඒ අනුව ඉදිරි දින කිහිපයේදී ඔහු රියර් අද්මිරල් ධුරයට උසස් කෙරෙනු ඇත.
කොළඹ ප‍්‍රදේශයේ දී තරුණයින් 11 දෙනෙකු පැහැර ගෙන ගොස් ඔවුන්ව නීතිවිරෝධී ලෙස රදවා තබා ගෙන අනතුරුව අතුරුදන් කිරීම සම්බන්ධයෙන් සිදු කරනු ලැබූ විමර්ශනවලින් පසු 2017 වසරේ දී කොමදෝරු ඩී.කේ.පී. දසනායක අපරාධ පරික්ෂණ දෙපාර්තුමේන්තුව විසින් අත් අඩංගුවට ගන්නා ලදී.
මහා පරිමාන අපරාධ කළ බවට චෝදනා ලබන වර්තමාන හමුදාපති ඇතුළු ත්‍රිවිධ හමුදා නිලධාරීන් කිහිප දෙනකුටම ජනාධිපතිවරයා විසින් පසුගියදා උසස්වීම් සහ සම්මාන නිලතල ලබා දී තිබේ.
Facebook Comments
