විසිපස් අවුරුද්දක නීතිඥ දිවියේ අත්දැකීම් පාදක කර ගනිමින් මෙරට නීතියේ ඇති අඩු ලුහුඬුකම් නිවැරදි කිරීමට කටයුතු කරන බවට අධිකරණ ඇමැතිවරයා ප්‍රකාශ කර තිබේ.
ඒ අනුව දේපොළ නඩු හා භාරකාරත්වය සම්බන්ධයෙන් වන නඩු දිගුකලක් තිස්සේ පැවතීම නිසා සාමාන්‍ය ජනතාවට යම් අසාධාරණයක් වන බව පෙන්වා දෙන අධිකරණ අමාත්‍ය ජනාධිපති නීතිඥ අලි සබ්‍රි එම තත්වය වෙනස් කිරීමට කටයුතු කරන 17 සඳුදා අධිකරණ අමාත්‍යංශයේ සිය රාජකාරි භාරගැනීමේ උත්සවයෙන් අනතුරුව මාධ්‍ය හමුවේ කියා සිටියේය.
අපරාධ හා දූෂණ වංචා වලින් තොරව සැමට බියෙන් සැකෙන් තොරව ජීවත් වීමට රටක් නිර්මාණය කිරීම තම අපේක්ෂාව බැවින් තිබෙන දුර්ධාන්ත තත්වයන් මැනවින් වටහාගෙන ඉදිරියේ දී ඒ සම්බන්ධයෙන් නිසි නීතිමය කටයුතු කිරීමට බලාපොරොත්තු වන බවද ඔහු වැඩි දුරටත් සඳහන් කළේය.
රාජකාරි ආරම්භ කරන අවස්ථාවේ දී අතිපූජ්‍ය දොඩම්පහළ චන්ද්‍රසිරි, කඹුරුගමුවේ වජිර, මුරුත්තෙට්ටුවේ ආනන්ද ,මහාචාර්ය මැදගොඩ අභයතිස්ස ,බෙංගමුවේ නාලක නායක ස්වාමීන් වහන්සේලා ප්‍රමුඛ මහා සංඝ රත්නය ඉස්ලාම්, හින්දු, කතෝලික පුජකතුමන්ලා ආගමික ආශිර්වාද සිදු කළ අතර අමාත්‍යවරුන් වන නිමල් සිරිපාල ද සිල්වා, උදය ගම්මන්පිල, සුදර්ශනී ප්‍රනාන්දු පුල්ලේ පාර්ලිමේන්තු මන්ත්‍රි කාදර් මස්තාන් ඇතුළු දේශපාලන නියෝජිතයින් හා අධිකරණ අමාත්‍යාංශයේ අතිරේක ලේකම් පියුමන්ති පිරිස් ඇතුළු රාජ්‍ය නිලධාරීන්, නිතිඥවරුන් මෙම අවස්ථාවට එක්ව සිටියහ.
Facebook Comments
