සිය මව්බිම වන ශ්‍රී ලංකාවට පැමිණීමට මෑතකදී වීසා ප්‍රතික්ෂේප වු ගැරී ආනන්දසංගරී ඔහු පදිංචි වී සිටින කැනඩාවේ කැබිනට් අමාත්‍යවරයකු ලෙස පත්කොට තිබේ.
ශ්‍රී ලාංකික සම්හවයක් සහිත දෙමළ පාර්ලිමේන්තු මන්ත්‍රීවරයකු කැනඩාවේ අමාත්‍යවරයකු බවට පත්වූ ප්‍රථම අවස්ථාව මෙයයි.
මීට ප්‍රථම පාර්ලිමේන්තු ලේකම්වරයකු ලෙස කටයුතු කළ රාජ්‍යය හා ආදිවාසීන් සම්බන්ධ අංශයේ අමාත්‍යවරයකු ලෙස අගමැති ජස්ටින් ටෘඩෝ විසින් පත් කරන ලදී.
2015 වසරේ සිට ස්කාබරෝ-රූජ් පාක් නියෝජනය කරමින් දැන් ඔහු නායකත්වය දෙන අමාත්‍යාංශයේ කමිටු සාමාජිකයකු ලෙස වසර ගණනාවක් සමීපව කටයුතු කර ඇත.
වෘත්තීයෙන් නීතීඥයකු වන ගැරී ආනන්දසංගරී, ව්‍යාපාර සහ ඉඩකඩම් සම්බන්ධ කරුණුවලට වලට අමතරව ජාත්‍යන්තර මානව හිමිකම් නීතිය පිලිබඳ විශේෂඥතාවයක් දරයි. එසේම, ශ්‍රී ලංකාවේ ආරක්ෂක අංශ සහ නෙරපා දැමූ හිටපු ජනාධිපති ගෝඨාභය රාජපක්ෂ ඇතුළු බලධාරීන්ගෙන් සිදු නොවුණු බව පවසන යුද අපරාධ චෝදනා සම්බන්ධයෙන් වගවීම ඉල්ලා සිටින ජාත්‍යන්තර දෙමළ ප්‍රජාව අතර ප්‍රමුඛයෙකි.
“අමාත්‍ය ආනන්දසංගරී යනු වෙහෙස නොබලා අධ්‍යාපනය සහ යුක්තිය වෙනුවෙන් හඬනැගූ ජාත්‍යන්තරව පිළිගත් මානව හිමිකම් පිලිබඳ නීතීඥයකු සහ ප්‍රජා ක්‍රියාධරයකුයි,” යනුවෙන් කැනඩා අග්‍රාමාත්‍ය ජස්ටින් ටෘඩෝ සිය නිල වෙබ්අඩවියේ සදහන් කොට තිබේ.
අග්‍රාමාත්‍යවරයා තවදුරටත් පැවසූවේ, මානව හිමිකම් පිලිබඳ උද්යෝගිමත් ක්‍රියාධරයකු ලෙස ඔහු නිරන්තරයෙන්ම එක්සත් ජාතීන් හමුවේ කැනඩාවේ ලෝයර්ස් රයිට්ස් වොච් නියෝජනය කළ බවයි.
දශක හතරකට ඉහත දී සිය ආරක්ෂාව පිලිබඳ බියෙන් දෙමළ ජනතාව දැඩි ලෙස පලා ගිය කළු ජූලිය සිදුවූ 1983 වසරේ, සරණාගතයකු ලෙස ගැරී ආනන්දසංගරී කැනඩාවට පැමිණ තිබේ. ඔහු දෙමළ එක්සත් විමුක්ති පෙරමුණේ නායක වීරකත්ති ආනන්දසංගරී හිටපු මන්ත්‍රීවරයාගේ පුත්‍රයෙකි.
“ඔහුගේ මතකයන්, පෞද්ගලික ඉතිහාසය සහ ඔහුගේ ප්‍රජාවද දරන මතය තුළින් පෙනීයන්නේ ඔහු කලාපීය, පළාත්, ජාතික සහ ජාත්‍යන්තර මට්ටමින් මානව හිමිකම් සම්බන්ද වූ බවයි. ගැරී යනු මානව හිමිකම් ක්‍රියාධරයකු මෙන්ම නීතීඥයකු වේ. මහජන උපදේශනය, අධ්‍යාපනය, මැදිහත්වීම, සෘජුව සම්බන්ධවීම සහ නීතිමය රාමුව” හරහා වසර 20කට අධික කාලයක් පුරාවට සරණාගතයන් සහ මෑතකාලීන සංක්‍රමණික ප්‍රජාව සඳහා යුක්තිය ලබාගැනීමට ඔහු කටයුතු කළේය.
ශ්‍රී ලංකාවේ දෙමළ වර්ග සංහාරයක් සිදුවූ බව නිල වශයෙන් පිළිගත් පළමු රට කැනඩාවයි ඒ වෙනුවෙන් ඉමහත් වෙහෙස දැරූ අය අතර පෙරමුණේම සිටින්නෙකි ගැරී
ඡායරූප: මැකෙන්සී ග්‍රේ
Facebook Comments
